काठमाण्डौं/12th May,
जनआन्दोलनलाई आफ्नो अधिकारको दुरूपयोग गरि दबाउने अधिकारीहरूको भूमिकाका बारे छानविन शुरू भएको तेस्रो दिन,शुक्रवार पांचजना भूतपूर्व मन्त्रीहरूमा गृहमन्त्री कमल थापा, परराष्ट्र मन्त्री रमेश नाथ पाण्डे, स्थानीय विकास मन्त्री टंक ढकाल, सूचना तथा संचार राज्यमन्त्री श्रीश सम्सेर राणा र स्वास्थ्य सहायक मन्त्री नीक्ष सम्शेर राणालाई गिरफ्तार गरिएको छ। पक्राउ परेका यि मन्त्रीहरूले राजतन्त्र विरोधी जनआन्दोलन दमन गर्न ठूलो भूमिका खेलेका भनी कुरा उठेको थियो।
जनआन्दोलनका क्रममा सुरक्षाकर्मीहरूको लाठी,अश्रुग्यास र गोली प्रहारबाट बीस जना प्रदर्शनकारीहरू सहिद भएका थिए, अरू सयौं घाइते र हजारौं गिरफ्तार भएका थिए र आन्दोलन दबाउन ज्यादती गरेको बारे छानविन गर्न गठन गरिएको उच्च स्तरीय आयोगले सेना, प्रहरी र राष्ट्रिय अनुसन्धान विभागका प्रमुखहरूलाई निलम्बन गर्न सरकार समक्ष सिफारिस गरको मध्ये सेना बाहेक अन्य तीन सुरक्षा निकायलाई निलम्बन गरिएको भनिए पनि यो बारे आधिकारीक भनाई सार्वजनिक भएको छैन। दुइ महिनाभित्र प्रतिवेदन पेश गर्ने गरी सर्वोच्च अदालतका भूतपूर्व न्यायाधिश कृष्णजंग रायमाझीको अध्यक्षतामा गठन गरिएको जांचबुझ आयोगमा पांचजना सदस्य छन् भने गिरिफ्तार गरिएका मन्त्रीहरूलाई सशस्त्र प्रहरी गण महाराजगञ्जमा राखिएको जनाईएको छ।
काठमाण्डौ को तापक्रम:
