जेठ १२ ,
जनआन्दोलन सफल भएको ठिक एक महिनामा मन्त्रीपरिषदको बैठकले गरेको निर्णय अनुसार माओवादीहरू संग वार्ता गर्ने सरकारी टोलीको घोषणा भएको छ। गृहमन्त्री कृष्णप्रसाद सिटौलाको नेतृत्वमा नेकपा एमालेका प्रदीप ज्ञवाली र नेपाली कांग्रेस प्रजातान्त्रिकका रमेश लेखक पनि टोलीमा हुनुहुन्छ। वार्ताका निम्ति माओवादीहरूले राखेको एउटा प्रमुख शर्त पुरा गर्ने क्रममा बन्दी बनाइएका सबै माओवादीहरूलाई रिहा गरिने भएको छ र धेरैं जसोलाई रिहा गरिसकिएको छ । सरकारी वार्ता टोलीको यो घोषणा र माओवादी प्रवक्ता कृष्ण बहादुर महराको नेतृत्वको तीन सदस्यीय टोली काठमाण्डौमैं भएकाले वार्ता छिट्टैं (आज-भोली नैं) हुन् सक्ने बताईएको भएपनि मिति र स्थानको घोषणा हुन वाँकि रहेको छ। प्रथम चरणको यो वार्ताले शीर्षस्थ तहमा निर्णायक वार्ताको वातावरण तैयार गर्ने छ र शीर्षस्थ तहको वार्तामा आफैले नेतृत्व गर्ने माओवादी अध्यक्ष प्रचण्डले बताइसक्नु भएको छ भनें सरकारी टोलीको नेतृत्व भने प्रधानमन्त्री गिरिजा प्रसाद कोइरालाले गर्नु हुने सम्भावना छ ।
काठमाण्डौ को तापक्रम:
