काठमाण्डौ/जेठ १७ गते,
काठमाण्डौमा आज लगातार चौथो दिन लुटपाट मच्चिएको छ । ६-७ जनाको अज्ञात हतियारधारी लुटेराहरु माइक्रोबसमा आएर करिव ११ बजे जोरपाटीस्थित नेबिल बैंकको एक शाखामा पसी लुट्न खोज्दा प्रहरी र लुटेराबीच भएको दोहोरो भिडन्तमा ३ जनाको मृत्यु भएको छ। हतियार सहित बैंकभित्र प्रवेश गरेका लुटेराहरुले सुरक्षा गार्डलाई कब्जामा लिई लुटपाट भैरहेको बेला वडा प्रहरी कार्यालय बौद्धको भ्यान आएपछि हतियारधारी लुटेराहरुले अन्धाधुन्ध गोली चलाइ भाग्न खोज्दा भएको गोली हानाहानमा बैंक सुरक्षा गार्ड टेकबहादुर थापा, प्रेमबहादुर तामाङ र माइक्रोबसका चालक छेवाङ लामा घाइते भई काठमाण्डौंको बिभिन्न अस्पतालमा उपचार गर्दा गर्दै मृत्यु भएको थियो । प्रहरीले स्थानीय बासिन्दाको सहयोगमा लुटेराहरु मध्यें २ जना लुटेराहरु अजय राई (माओवादी बाट भागेका) र देवराज भट्टराई (सशस्त्र प्रहरी बाट भागेका)बाट करिव २५ लाख नगद, तीन थान पेस्तोल, ४३ राउण्ड गोली र तीन थान खुकुरी सहित पक्राउ गरी बौध्द प्रहरी कार्यालयमा राखिएको छ।
यस भन्दा अघि आइतबार क्षेत्रपाटीको नेबिल बैंक बाटनैं २५ लाख लुटिएको थियो र लुटेराहरु अझैं बेपत्ता छन् । त्यस्तैं सोमबार कमलपोखरीमा बैकं बाट साढे एक लाख निकालेर अफिस जाँदै गरेको एक कर्मचारीलाई लुटिएको थियो भनें शान्तिनगरमा मंगलबार बिहानैं लुटेराहरु पसेर एउटा घरबाट लगभग २० लाख लुटिएको थियो।
काठमाण्डौ को तापक्रम:
