काठमाडौं/असार ६,
माओवादी अध्यक्ष प्रचण्ड र अर्का नेता डा. बाबुराम भट्टराई डोटीका विभिन्न स्थानमा कडा सुरक्षा बीच भैरी कर्णाली र सेती महाकाली क्षेत्रीय ब्युरोले आयोजना गरेको प्रशिक्षण कार्यक्रममा कार्यकर्ता प्रशिक्षणमा व्यस्त रहनु भएको छ । प्रशिक्षण स्थलमा ठुलो संख्यामा सैन्य पोशाकमा माओवादी सेना रहेको बताइएको छ ।
यसैबीच पर्वतमा माओवादी संयुक्त क्रान्तिकारी जनपरिषद पर्वतका उपप्रमुख बिष्णु लामिछाने जवर्जस्ती पर्वत जिल्ला विकास समितिका स्वघोषित कार्यवाहक सभापति बनेका छन्। स्वघोषित सभापति बनेका लामिछानेले पदभार ग्रहण गर्दै जातिय, वर्गिय, लैंगिक र क्षेत्रिय हिसावले काम गर्ने बताएका छन्। उनीहरुले कार्यालयको मुख्य प्रवेशद्वारमा जनपरिषदको झण्डा समेत गाडेका छन्। जनसरकार प्रमुख काम विशेषले बाहिर गएकाले लामिछानेलाई कार्यबाहक सभापति तोकिएको र उनको निर्णय मान्न कर्मचारी निर्देशन दिएका छन् । पर्वतका कार्यवाहक सभापति लालकाजि गुरुंगले माओवादीको यस कार्यलाई सात दल र माओवादीबीचको सहमति विपरित कार्य भन्दै विरोध जनाएका छन्।
उता माओवादीले नवलपरासी जि.वि.स.का पूर्व सदस्य बलवन्त यादवलाई बरासी बजारबाट अपहरण गरेका छन् । शाही सरकारका पालामा जिल्ला विकास समितिमा मनोनित यादवले जि.वि.स.मा अनियमितता गरेकाले छानविनका लागि उनलाई कब्जामा लिइएको बताइएको छ ।
काठमाण्डौ को तापक्रम:
