कठमाण्डौ/२४ अषाढ,
हिजो राजधानीको नयाँ बानेश्वर स्थित एभरेस्ट जुवाघरमा जुवा खेलिरहेको अवस्थामा दस नेपाली जुवाडेलाई राती दस बजेतिर नेपाल प्रहरीका डीएसपी राजेन्द्र रोमखानीको नेतृत्वमा गएको प्रहरीको टोलीले तलाशी लिँदा पक्राउ परेका खबर छ । उनीहरुमध्ये केही भाग्ने तरखर गर्दागर्दै क्वाइनसँगै पक्राउ परेको बुझिएको छ ।साथैं हिजो प्रहरीले राजधानीका अन्य जुवाघरमा पनि छापा हानेको थियो तर एभरेस्ट बाहेक अन्य जुवाघरमा नेपाली जुवाडे भेटिएनन् ।
नेपालीकै कारण संचालित एभरेस्ट जुवाघरमा जुवाको भन्दा पनि तरुणीको प्यास मेट्न अधिकांश नेपालीको मात्रै नभएर भारतीयहरुको समेत भीड लाग्ने गरेको बताइन्छ । नियमित ग्राहकहरुलाई एभरेस्ट जुवाघरले ग्राहकको मागबमोजिम तोकिएकै ठाउँमा सोही क्यासिनोमा जीआरओ गेस्टरिलेसन अफिसरका रुपमा कार्यरत महिला कर्मचारी तरुणीको व्यवस्था गर्दै आएको बताइन्छ । मार्केटिङ डाइरेक्टर ती जीआरओलाई ग्राहकसँग झर्कने चर्कने अथवा रेस्पोन्स नगरेको जस्तो व्यवहार देखाएको खण्डमा हाम्रा ग्राहक भड्कन्छन् यस्तो भयो भने हामीले तिमीहरुलाई चाहेर पनि रोजगारी दिन सक्दैनौं भनेर सेक्स धन्दामा लाग्न अप्रत्यक्ष धम्की दिने गरिन्छ र यौन शिकार भएको गुनासो लिएर जुवाघरका उच्चपदस्थ व्यक्तिसँग गुनासो गर्न जाँदा पीडितलाई निर्देशनअनुसार काम गर्ने इच्छा भए गर्नु अन्यथा केही गर्न नसकिने जवाफ फर्काउने गरेको बुझिएको छ । नेपाली मात्रै नभएर भारतीयहरुको समेत जुवाघरतिर मन लोभ्याउन नेपाली चेलीको देहव्यापारमा पोख्त एभरेस्ट जुवाघरको नियतबारे तत्काल छानबिन हुनु आवश्यक देखिएको छ ।
काठमाण्डौ को तापक्रम:
