आश्विन/१४ गतें (कालरात्री),

नेपालीहरुको महान चाड बडा दशैंले घर-घरको दैलो टेकेको छ । प्रत्येक नेपालीहरुको मुखबाट मात्र दशैंको कुरा सुन्न सकिन्छ , स्वदेशमा होस् वा विदेशमा । कोरियाको प्रवासी भुमिमा रहेरपनि सकृय नेपालीहरुद्वारा सगंठित विभिन्न संघ-सस्थालें प्रत्येक वर्ष झैं यस वर्षपनि दशैं धुमधामले विभिन्न कार्यक्रम आयोजना गरी मनाउने भएको छ । दशैंको नवमीको दिन अक्टुबर १ तारिखमा आन्याङको प्रवासी मजदुर गृह (जन जिन सेन्टर)मा “दशैं र तिहार” उत्सव कोरिया स्थित बिभिन्न संघ-सस्थले आयोजना गरेको छ । त्यस्तै बडा दशैं र कोरियाली चाड “छुसक” को अवसर पारेर अक्टुबरकै ५ , ६ र ७ तारिख क्रमश: स्याङ्जा प्रदेशी युवा क्लबका “आँधी खोला साँझ” , मगर समाजका “रमाईलो सांस्कृतिक सौगात” र लमजुङ्ग परिवारका “मह अभिन्नदन” को आयोजना गर्ने भएको छ ।

विस्तृत जानकारी ( कार्यक्रमको समय, ठाँउ,कलाकारहरु, टिकट दर र सम्पर्क आदि)को लागी सम्बन्धित फोटोहरुमा क्लिक गर्नुहोस् ।

(more…)

आश्विन ११ गतें,

‘यसपाली त आमा, जमारा अलि धेरै राख्‍नुहोस् ।’ छिमेकको ठुली काकीलाई छोराहरुलें पठाएको पत्रमा मैले भुल्न नसक्ने एउटा वाक्य यो पनि थियो । हो , यसपाली साँच्चैनै जमारा अलि धेरै राख्‍नु पर्ने हुन्छ, किनकी काकीका सबै छोराहरु यसपाली घर आउने रे । १० वर्ष अघि जङ्गल पसेका जेठा छोरा , नेपाली सेनामा रहेका माईला र खाडी मुलुक काम गरिरहेका कान्छो छोरा सबै दशैमा घर आउने भएका छन् । दस वर्ष देखि एक-अर्कासँग नचाहेर पनि शत्रु बन्दै आएको दाजु-भाई यसपाली बिना कुनै रोकटोक, बिना कुनै डर त्रास, निश्चित भएर आमा बुबाको आशिक थाप्न घर आँउदै छन् । हतियार काँधमा बोकेर जङ्गल-जङ्गल चाहार्दै मृत्युको भयमा बाँचिरहेका माओवादी , कतिबेला एम्बुसमा पारिने हो भनि त्रासमा बँसिरहेका नेपाली सेना अहिलेको उधारै शान्तिमा भएपनि निश्चित छन् , धुक्क छन् ।

हो ! यसपालीको दशैंमा साँच्चै नयाँ जोश ,जाँगर नयाँ उमङ्ग छ । देशको कुना कुनामा दशैं छाएको छ । कसैलाई फुर्सद छैन । देशको कुना-कुनामा खसी, भेडा,च्याङ्ग्रा, टिका जमारा, सेल रोटीका मनमोहक सुगन्धले माहौल मादक र मनोरञ्जनपूर्ण बनाएको छ । गाँउ र शहरको कुना कुनामा रोटे पिङ्ग, लिङ्गे पिङ्गमा केटा केटी देखि लिएर बुढा पाकाहरु समेत देखिएका छन् । बजारै भरि नयाँ-नयाँ फेसनका लुगाफाटाहरु ‘दशैं Discount’ मा किनबेच गर्नेहरुको हातमा नेपाल राष्ट्र बैंकका नयाँ नोट, गल्ली गल्लिमा ” झण्डी बुर्जा”का खेलहरु , ठाँउ-ठाँउमा नयाँ नयाँ भाग्यशाली चिट्ठा उपहारका टिकटहरुको किनबेच , शहर देखि गाँउ जानेको भिड, गाँउfदेखि शहर आउँनेको घुईचो, व्यस्त सडकहरु….. प्रत्येक पाईला पाईलामा खुशीको सन्देश लिएर गाँउ-गाँउ पसेको छ दशैं, शहर-शहर पसेको छ दशैं । (more…)

आश्विन ९ गतें,

एकातिर देशमा दशैंको रमझम , पुरै देश दशैंको तैयारीमा तर अर्को तिर कस्तो अभाग्य, तीन दिन अघि शनिबार ‘घटस्थापना’को दिन ताप्लेजुङको घुन्साबाट वन तथा भू-संरक्षण राज्यमन्त्री गोपाल राई, नेपालका लागि फिनल्याण्डका कार्यबाहक राजदूत पाउली मस्टोनेन लगायत चौबीस जना सवार हेलिकप्टर सदरमुकाम फर्किने क्रममा श्री एयरवेजको हेलिकप्टर उडेको केही बेरपछि सम्पर्क विहिन भएको र आज दिउँसो सवा १ बजेतिर घुन्सादेखि एक माइल दक्षिण पश्चिमस्थित जंगलको खोँचमा दुर्घटनाग्रस्त अवस्थामा फेला परेको छ।
(more…)

आश्विन ८ गतें,

सर्वप्रथम विगत लगभग १ महिना देखि कंम्पनीमा लगातार कामको चाप बढेकोले ब्लगमा निरन्त्रता दिन नसकेको जानकारी गराउन चाहान्छु । प्रवासी भुमिमा पाइला टेकेको पनि ३ वर्ष पुरा हुन् लागेको र बस्ने मन हुँदा-हुँदै पनि स्वदेश फर्कनु पर्ने बाध्यता एउटा तितो सत्य हो । हामी नेपाली एक चोटी विदेश गएपछि स्वदेश फर्कने चाहाना सायदै कमैको होला भन्नेमा दुई मत छैन । मुखलें जे भनें पनि मनलें विदेशमै बसेर टन्न पैसा कमाउने र सकेसम्म उतै घरजाम गर्ने विचार धेरैको नहोला भन्न मिल्दैन , तर सबैमा यो कुरा लागु हुन्छ भन्ने पनि छैन ।

हामी नेपालीको यस्तो गर्नु बाध्यता पनि हो , तर यो बाध्यतामा हामी नेपाली आफ्नै कारणले गर्दा भएको हो । दु:ख कष्ट गरेर विदेश जान्छौ अलिकत पैसा कमाउँछौ , अलिकत सीप ज्ञान सिक्छौ र सोच्छौ “नेपाल जानें एउटा घर किन्ने ,एउटा राम्रो केटी हेरेर घरजाम गर्‍यो , बैंक ब्याँलेन्स , मोटर कार…….. आधा घर भाडामा दियो बस् त्यति भए हात मुख जोड्न पुगी हाल्छ ।” यहि नै सत्य हो ,…फेरी खोई त्यो विदेशमा सिकेको सीप ? त्यो दु:ख कष्ट ? आफ्नो घरमात्र सबथोक, देशको विकासको लागी केहि गर्नु पर्दैन । हामीले त दु:ख गर्‍यौ , अनि हाम्रो सन्ततिहरुलाई के नि ? उनिहरुलाई पनि फेरी उहि ‘विदेश’ , उहि दु:ख कष्ट, यहि सिकाउने ? होईन ! हामीहरुले यो चलन बढल्नु पर्छ , आखिर कहिलेसम्म हामी विदेश धाँउने , कति गर्ने अर्काको गुलामी ? त्यसैले हामीले यसबारे राम्ररी सोच्नु पर्छ । बस् आजलाई यत्ति भन्दै बडा दसैको फेरी पनि शुभकामना र यो राशिफलको फोटोहरु तल राख्दै छुँ । यो फोटो मलाई राम्रो लागेर मात्र राखेको हो ।

मेष राशि ^

वृष राशि ^

मिथुन राशि ^

बाँकि फोटो भित्र (more…)

आश्विन ६ गते,

सर्वप्रथम नेपालीहरुको महान चाड बडा दशै २०६३ सालको मेरोनेपालका सम्पुर्ण पाठकवर्गहरुमा हार्दिक मंगलमय शुभकामना व्यक्त गर्न चाहान्छु । आज घटस्थापना अर्थात ‘जमारा राख्‍ने दिन’ बिहान १०:३९ मिनेटको शुभ साईत पारेर नेपाल भरी जमारा राखिएको छ । शुभकामना कार्डको लागी Play मा क्लिक गर्नुस् ।

(more…)

आश्विन ५ गते,

आज धेरै दिन पछि ब्लग लेख्ने मौका पाएको छु । आज म तपाईहरुलाई एउटा नयाँ साइटको बारेमा बताउन् गैरहेको छु त्यो हो ‘मिबो’ (4 In 1) एउटा यस्तो साइट जसबाट तपाई एकै चोटी चार ओटा मेसेन्जर याहु , जिमेल, हटमेल र एओल-जब्बरमा लग इन भएर चाट गर्न सक्नुहुन्छ। त्यो पनि प्रोग्राम डाउनलोड नगरिकन् , हजुर प्रोग्राम डाउनलोड नगरिकन् । त्यसको लागी यहाँ क्लिक गर्नुहोस् ।

पचाँस भन्दा पनि बढि भाषामा भएको यो साइट युनिकोडमा पनि छिट्टै आउने प्रोसेसम छ । यसबाट धेरै फाइदाहरु पनि छ ति मेसेन्जरहरु डाउनलोड गर्दा कमप्युटरमा बढ्ने भार पनि कम हुने र कहिले काहि बाहिर साइबरमा गएर मेसेन्जर डाउनलोड गर्दा लाग्ने समयको पनि बचट हुने । फेरि यसलाई कोड बनाएर ब्लगमा पनि राख्न मिल्ने रहेछ जसले तपाईको ब्लगमा आउने पाठकहरुसँग चाट गर्न पनि मिल्ने र कति जनाले तपाईको ब्लग् हेरिरहेका छन् त्यो पनि थाहा हुने र मैले पनि आफ्नो ब्लगम राखेको छु , त्यसो भए ढिलो किन् लौ म त गए चाट गर्न तपाई पनि आउदै गर्नुस् । अनि यो साइट कस्तो लग्यो त ? कमेन्ट लेख्न नबिर्सनु होला ल !

भाद्र ३० गते,

हलिउड पॉप गायिका ब्रिटनी स्पीयर्सलाई नचिन्ने सायद यस संसारमा कमै होलान् । सन् १९९९ मा रिलिज एल्बम “बेबी वन मोर टाइम” र सन् २००० को “ऊप्स… आई डिड इट अगेन” नामक एल्बम लगायत यस्तैं अनेकौ पॉप गीतबाट चर्चामा आएकी ब्रिटनी स्पीयर्सलें अहिले मात्र लॉस एंजल्सको एउटा अस्पतालमा Sep/5 मंगलवारका दिन बिहान आफ्नो दोस्रो बच्चालाई जन्म दिएकी छिन् ।

आफ्नो सुन्दर शरीर र ‘विवाह’को विवादलें पनि अलिकत चर्चामा आएकी ब्रिटनी स्पीयर्सको लवको कुरा गर्नुपर्दा जापानको एक व्यापारी मासाहिको शिजावाको पनि नाम आउँछ जसले ब्रिटनी स्पीयर्सलाई एकतर्फी माया गर्थ्यो , जसले गर्दा अदालतले शिजावालाई ब्रिटनी स्पीयर्सदेखि ३ वर्षसम्म टाढा बस्ने आदेश दिएको थियो । विवाहको कुरा गर्दा २२ वर्षको उमेरमा सन् २००४ को जनवरीमा आफ्नैं एउटा साथी जेसन अलेक्जेन्डरसँग मात्र ५५ घण्टाको लागी विवाह भएको थियो र विवाह र छुटापत्रको खबर पनि लगभग एकै चोटी आएको थियो । त्यस भन्दा अगाडी अदाकारा शार जैक्सनसँग पनि विवाह भएको कुरा खुलेको थियो र २ जना छोरीहरुपनि भएको कुरा थियो । धेरै कुरामा विवादमा परेकी ब्रिटनीले को-को सँग माया गाँसिन, विवाह गरिन् कुनै लेखा जोखा छैन तर सन् २००४को जुन महिनामा डांसर केविन फेडरलिनसँग विवाह गरेर यो दोस्रो बच्चा भएको हो ।

ब्रिटनी स्पीयर्स आफ्नो श्रीमानसँग ^

ब्रिटनी स्पीयर्सको एक चर्चित म्युजिक भिडियो ” TOXIC ” Click Here (more…)

काठमाण्डौ/भाद्र २९,

माओवादीहरूले नेपाली सेनाले वीरगञ्ज भएर भारतबाट हात-हतियार भित्र्याएको आरोप लगाउँदै बुधबार देशका विभिन्न भागमा घण्टौंसम्म विरोध प्रदर्शन गर्दै यातायात अवरुद्ध गरे। हातहतियार बोकेर आएका भनिएका सैनिक सवारीहरू मंगलबार साँझ धादिङको गजुरीस्थित संग्राम सार्दुल गुल्ममा राखेर राता-रात खाली गरेको आरोप माओवादीले लगाएका छन् । युएनको शान्ति सेनाले प्रयोग गर्ने जस्तो देखिने ति सवारी साधनहरु सेतो रङ्ग थिए । अहिलेको यो घटनाले वार्तामा केहि असर पुर्‍याएको छ । माओवादीले भारत र नेपाल सरकार दुबैमा शंका गरेको र सो हतियार काठमाण्डौ भित्राईने शंकामा ठाँउ-ठाँउ जाँच गरेको छ । टायर बालेर काठमाण्डौ लगायत प्रमुख शहरहरुमा विरोध प्रदर्शन गरि राजमार्गका ठाउँठाउँमा यातायात अवरुद्ध गरिंदा लाखौं मानिसहरूलाई असर पर्नेगरी घण्टौसम्म सामान्य जनजीवन अस्तव्यस्त भएको थियो ।

शंकाको मुख्य विषय : धादिङको सार्दुल गुल्ममा राखिएका वाहन (more…)

काठमाण्डौं/भाद्र २३ ,

आज विविसी नेपाली सेवाको कार्यक्रममा संसारका विभिन्न ठाँउहरुबाट नेपालीहरुले सोधिएका प्रश्नको उत्तर माओवादी अध्यक्ष प्रचण्डले दिनुभएको थियो । सो कार्यक्रम नेपाली समयानुसार आज साँझ ९:०० बजे देखि १०:०० बजे सम्म देशको बिभिन्न रेडियो FM ले प्रत्यक्ष प्रसारण गरेको थियो र कान्तिपुर टेलिभिजनले पनि प्रसारण गरेको थियो । रेडियो सगरमाथाको त्यस कार्यक्रममा नेपालीहरुले सोधिएका प्रश्न र प्रचण्डले दिनुभएको उत्तर सुन्नलाई यहाँ क्लिक गर्नुहोस् ।

Update//
मेरो नेपालका पाठकहररलाई पुन: यो पोष्टलाई अपडेट गरी स्मरण दिलाउन चाहान्छु कि आज विविसी नेपाली सेवाबाट पाठकहरुले पठाएको एंव सोधिएको प्रश्नको जवाफ माओवादी अध्यक्ष प्रचण्डले प्रत्यक्ष उत्तर दिने छन् । उक्त कार्यक्रम नियमित नेपाली समयानुसार साँझ ९:०० देखि १०:०० बजेसम्म (आज आधा घण्टालाई बढाएर ) सुन्न सकिने छ । सुन्न नबिर्सनुहोला ।

भाद्र २ गतें,

बीबीसी नेपाली सेवाले सेप्टेम्बर आठ तारीख अर्थात भाद्र २३ गते शुक्रबार एक विशेष कार्यक्रममा संसार भरिबाट मानिसहरुले टेलिफोन, इ-मेल र पत्र मार्फत सोधेका र संचार सुविधा नभएका स्थानबाट मानिसहरुले रेकर्ड गराइ सोधेका प्रश्नहरुको, माओवादी विद्रोहीका अध्यक्ष प्रचण्डले काठमाडौंबाट प्रत्यक्ष जवाफ दिनेछन्। पत्र प्राप्त हुन केही समय लाग्ने भएकोले, तपाईं पनि प्रचण्डलाई पत्र मार्फत एउटा प्रश्न सोध्न चाहनु हुन्छ भने सेप्टेम्बर दुई तारीख अर्थात भाद्र १७ गते शनिबारसम्ममा बीबीसी नेपाली सेवामा प्राप्त हुने गरी निम्न ठेगानामा पठाउनु होला -

बीबीसी नेपाली सेवा
पोष्ट बक्स नंबर ६७२
काठमाडौं
नेपाल।

[Note: कृपया खाममा “प्रचण्डलाई प्रश्न” लेख्न नभुल्नु होला । इ-मेलबाट प्रश्न पठाउन चाहनेले आफ्नो एउटा प्रश्न, पूरा नाम र ठेगाना सहित यो इ-मेल ठेगाना: nepali.letters@bbc.co.uk मा पठाउनुहोला। टेलिफोनबाट प्रश्न सोध्न चाहाने स्रोताहरुले सेप्टेम्बर सात तारिख, बिहिबार, नेपाली समय अनुसार साँझ छदेखि आठ बजेसम्म टेलिफोन नम्बर ४४३-३०५० वा ४४३-३०५६ मा सम्पर्क गर्नुहोला । ]

बिबिसी

त्यस्तैं प्रधानमन्त्री गिरिजाप्रसाद कोइरालाले हतियार व्यवस्थापन नभएसम्म माओवादीलाई सरकारमा सामेल नगरिने बताएका छन् भने माओवादीका अध्यक्ष प्रचण्डले पनि “हामी सत्तामा छिटै पुग्छौं या पुग्दैनौं मलाई थाहा छैन र सत्तामा जान हतार पनि छैन। राज्यसत्तामा केहि संरचनागत हेरफेर भएन भने सत्तामा जांदैनौं पनि, बरू बाहिरै बसेर सम्बिधानसभासम्म हामी सहयोग गर्ने कोशिश गरौंला।” भनेका छन् । आफ्नो प्रतिनिधित्व नभएको बर्तमान संसदको विघटन एवम् अन्तरिम सम्बिधान मार्फत आफू सहितको अन्तरिम संसद गठन, माओवादीहरूको पुरानै माग हो। राजतन्त्रको अन्त्य र गणतन्त्रको स्थापनाको कुरा त अर्को बर्ष गर्ने भनिएको सम्बिधान सभाको चुनावले तय गर्नेछ तर उक्त चुनाव गर्न माओवादी सहितको अन्तरिम सरकारको गठनको कुरा नै अहिले अगाडी बढ्न सकेको छैन। हतियार सहितका माओवादीहरूलाई सरकारमा सामेल नगरिने दृढता प्रधानमन्त्री कोइरालाले दोहोर्याएका छन्।

भाद्र २२,

तीन देशको प्रधानमन्त्रीहरुको बैठक थियो । अमेरिका , जापान अनि नेपाल ।
अमेरिकाका प्रधानमन्त्री भन्नुहुनछ : हाम्रो देशको मान्छेहरुले आकाश छुने जहाज बनाएका छन् ।
नेपाल र जापानका प्रधानमन्त्री एकै साथ(अच्चम मान्दै) : आकाश छुने जहाज !!
अमेरिकाका प्रधानमन्त्री : होइन-होइन अलि तल सम्म मात्र ।
जापानका प्रधानमन्त्री : हाम्रो देशका मान्छेहरु उफ्रेर चन्द्रमा छुन् सक्छन् ।
नेपाल र अमेरिकाका प्रधानमन्त्री (अच्चम मान्दै): चन्द्रमा छुन् सक्छन् !!??
जापानका प्रधानमन्त्री : होइन-होइन अलि तल सम्म मात्र । अब पालो नेपाली प्रधानमन्त्रीको (के भनौ- के भनौ भन्ने सोच्दा-सोच्दै) हाम्रो देशको मान्छेहरुले नाकले खाना खान्छन् ।
जापानका प्रधानमन्त्री अनि अमेरिकाका प्रधानमन्त्री (अच्चम मान्दै): नाकबाट !!??
नेपाल प्रधानमन्त्री : होइन-होइन अलि तल बाट ।

***********************************

एउटा केटा अमेरिका गएपछि एउटा यस्तो दवाई पाएछ, कि त्यो दवाई खाँएभनें मान्छेको उमेर घटेर बुढो पनि भर्खरको देखिने रहेछ । उसले त्यो दवाई किनेर आँफुले पनि खायो र अलिकत नेपालमा आफ्नो आमालाई पनि पठाई दिएछ । आमाले त्यो दवाई खाएर भर्खरको तरुनी भएछन् । (more…)

भाद्र १८,

ब्रिटेनको एक टीवी चैनल ‘चैनल फोर’लें अमरीकाको राष्ट्रपति जॉर्ज बुशको हत्या गरिएको एउटा टीवी ड्रामा बनाएको छ । टीवी ड्रामाको नाम ‘डेथ ऑफ ए प्रेसीडेन्ट’ हो । यस ड्रामामा राष्ट्रपति जॉर्ज बुशलाई गोली हानेर हत्या गरिएको देखाइएको छ । आतंकवाद विरुद्ध युद्धको प्रभावलाई देखाउन बनाइएको उक्त ड्रामा ९० मिनेटको छ र सन् २००७मा शिकागो भ्रमणको बेला हत्या गरिएको देखाइएको छ । आगामी महिना टोरन्टोमा यस फिल्मको ‘प्रीमियर-सो’ हुनेछ र त्यस पछि ब्रिटेनकै अर्को चैनल ‘चैनल मोर फोर’मा पनि देखाइने छ, तर टेक्ससमा रिपब्लिकन पार्टीले यस ड्रामाको कडा विरोध गरेको छ । यस ड्रामाको कारणले राष्ट्रपतिको हत्याको प्रयास हुन् सक्ने पनि सम्भावना बताइएको छ । राष्ट्रपतिको विरुद्ध भावना बोकेका मानिसहरुको कमि नरहेको र यस ड्रामाले तिनीहरुलाई प्रोत्साहन दिने तत्व हुन् सक्ने बताउदै यस ड्रामाको प्रसारणमा रोक लगाइने भनिएको छ , तर ‘चैनल मोर फोर’का प्रमुख पिटर डेल यो ड्रामा ‘डेथ ऑफ ए प्रेसीडेन्ट’को पुरा भाग हेरेपछि मात्र यसलाई एउटा राम्रो कामको नाम दिइने कुरामा विश्वास गर्नुहुन्छ । हामीले उक्त ड्रामा हेर्ने मौका त पाउँछौ/पाउँदैनौ तर यो त हेर्न सकिन्छ नि !! (more…)

भाद्र १८,

अमेरिका नेपाली सोसाइटीले हिजो दिउँसो ‘मेरो संसार’का ब्लगर उमेशलाई एउटा कार्यक्रम गरि कदर पत्र र नगद ५१ हजारले पुरस्कृत गरेको थियो । जनआन्दोलन-२ लाई सहासिक रुपमा इन्टरनेटका माध्यमद्वारा विश्वभरि अनलाइन पत्रिकाको रुपमा विश्वलाई प्रत्यक्ष प्रसारण गरेझैं लागिपरेका उमेशले अनलाइन पत्रिकालाई देशले अझै मान्यता नदिएकोमा रोष प्रकट गर्दै ‘मेरोसंसार’ले पाएको सम्मान सिंगो नेपाली ब्लगरहरुका लागि सम्मान हो भन्नुहुन्छ । यो फोटो ‘मेरो संसार’ बाट ..

मेरो नेपालको तर्फ देखि पनि वहाँलाई धेरै-धेरै बाधाई छ ।
(more…)

काठमाण्डौ/भाद्र १७,

नेपाली सेनाको एक टुकडीद्वारा नेकपा माओवादी अध्यक्ष प्रचण्ड, डा. बाबुराम भट्टराई लगायत अन्य वरिष्ठ नेताको हत्या प्रयास भएको माओवादी प्रवक्ता कृष्णबहादुर महराले शुक्रबार राजधानीको वसन्तपुरमा आयोजित नेवाः मुक्ति मोर्चाको सम्मेलनलाई सम्बोधन गर्दै रहस्य खुलासा गरेका हुन् र उक्त योजनामा अमेरिकाको सहयोग रहेको पनि बताउनु भयो । वरिष्ठ नेताको हत्या गरी वार्ता असफल पार्ने योजनामा खटिएको सेनाको कमान्डो टोलीलाई माओवादीले तत्काल कव्जामा लिइएको र उनीहरूले सो योजना स्वीकारेको दाबी गर्दै केही दिनमै पक्राउ परेका सेनालाई सार्वजनिक गर्ने तर उक्त योजनामा खटिएका सेनाहरू कुन दर्जाका हुन् भन्ने विषयमा केही बताउनु भएन। जन-आन्दोलनको सफलतापछि वार्ता विफल बनाउने प्रयास एंव देशमा बिभिन्न किसिमको लुटपाट, डकैती र अन्य अपराधिक घटनाहरु भएकोले यसको सम्बन्ध दरबार सँग रहेको पनि अनुमान गरिएको छ भनें सो सम्बन्धमा गोप्य रुपमा जाँचबुझ पनि गरिएको छ भन्ने कुरा बुझिएको छ । (more…)