मंसिर ६ गतें,

काठमाडौंको विरेन्द्र अन्तर्राष्ट्रिय सम्मेलन केन्द्रमा एउटा विशेष समारोहका बीच प्रधानमन्त्री गिरिजाप्रसाद कोइराला र नेकपा माओवादी अध्यक्ष प्रचण्डले २०५२ सालदेखि नेपाल कम्युनिष्ट पार्टी माओवादीद्वारा संचालित सशस्त्र द्वन्द्व सरकार र माओवादीबीच मंगलबार साँझ भएको ऐतिहासिक शान्ति सम्झौतापछि औपचारिक रुपमा अन्त्य भएको घोषणा गर्दै संझौता पत्रमा हस्ताक्षर गरेका थिए।

सम्झौतामा राजाको कुनै राजनीतिक अधिकार नहुने, व्यक्तिगत स्वतन्त्रताको प्रत्याभूति दिइने, हत्या, अपहरण, बलजफ्ती, चन्दा असुली लगायतका दबावमूलक कार्यहरु दुवै पक्षबाट बन्द गरिने कुरा पनि सम्झौतामा उल्लेख छ । त्यसैगरी बाल सैन्य भर्नामा रोक, शिक्षण संस्थामाथिको सैनिक गतिविधिको अन्त्य, द्वन्द्वबाट विस्थापितहरुलाई आफ्नो घर फर्कन वा चाहेको स्थानमा जान सक्ने वातावरणको प्रत्याभूति दिने कुरामा पनि सरकार एवं माओवादी दुवै पक्ष सहमत भएका छन् । संझौतापत्र पढेर सुनाउँदै गृहमन्त्री कृष्णप्रसाद सिटौला भन्नुहुन्छ , “२०५२ सालदेखि चली आएको सशस्त्र युद्ध समाप्त भएको घोषणा गर्दछु।” उक्त संझौतासँगै माओवादी विद्रोहीहरूले १० वर्षदेखि जारी राखेको सशस्त्र संघर्षको विधिवत अन्त्य भएको घोषणा गरिएको थियो। उक्त संझौता अन्तर्गत दुवै पक्षले अब एक अर्कामाथि आक्रमण गर्ने छैनन्। (more…)

कार्तिक २२ गतें,

खुशीको खबर वार्ता सफल भयो । सम्पुर्ण नेपालीहरुलाई बधाई छ । हिजो सात राजनीतिक दल र माओवादीविच सहमति भएको छ । छैठौ चरणको शिर्ष बैठक सहमतिमा अन्तरिम सरकार, अन्तरिम संविधान, अन्तरिम संसद, हतियार व्यवस्थापन, संविधान सभा सबैको टुङ्गो लागेको छ । गएराति ९ बजे भएको सहमतिमा कात्तिक ३० गतेभित्र शान्ति सम्झौता गर्ने, मंसिर ५ गतेभित्र माओवादी सेना र हतियार क्याम्पमा राख्ने, ३ सय ३० सदस्यीय अन्तरिम संसद बनाउने, अन्तरिम संविधान अन्तरिम संसदले अनुमोदन गर्ने, संविधान सभाको निर्वाचन भएको छ ।

प्रधानमन्त्री निवास बालुवाटारमा सोमबार र मंगलबार गरी आठ दलबीच भएको २१ घण्टा लामो गम्भीर वार्ता र छलफलपछि आठै दलका शिर्ष नेताहरुले हस्ताक्षर गरी उक्त सम्झौता राति १ बजे नै सार्वजनिक गरिएको थियो । सहमति अनुसार माओवादीको हतियार व्यवस्थापन गरी मंसिर १५ गतेभित्र विधिवत रुपमा अन्तरिम सरकारमा ल्याउने बाटो खुला गरेको छ।
(more…)

कार्तिक २० गतें,

एक परिचित नाम सद्दाम हुसैन, भुतपुर्व इराकी राष्ट्रपति, एक तानशाह एंव क्रुर शासक जसलाई मानवता विरोधी अपराधमा दोषी ठहर गरिएपछि बग्दादस्थित अदालतले फांसीको सजाय सुनाईएको छ । १३ महिनासम्म चलेको यो मुद्दामा अदालतले सद्दाम हुसैनका भुतपूर्व गुप्तचर प्रमुख, बर्जन इब्राहिम अल टिक्रिटी र भूतपूर्व मुख्य न्यायाधिश अवाद हमिद अल बन्दरलाई पनि मृत्युदण्डको सजायं सुनाएको छ।

उनीहरूको मुद्दा सन् १९८२ मा १४८ जना गाउंलेहरू मारिएका घटनासंग सम्बन्धीत छ । सद्दाम हुसेन, उनका सौतेनी भाई र भुतपूर्व न्यायाधिशलाई फांसीको सजायं सुनाईएको छ भने भूतपूर्व उपराष्ट्रपति ताहा यासिन रमादानलाई आजीवन कारावासको सजाय सुनाइएको छ। तीनजना भूतपूर्व पार्टी अधिकारीहरू -अब्दुल्लाह काजिम रूवाइद, उनका छोरा मिजार अब्दुल्लाह रूवाइद र अली दाइह अलीलाई पन्ध्र बर्षको सजायं दिइएको छ। अर्का अधिकारी मोहम्मद आजावी अलीलाई भने प्रमाणको अभावमा मुक्त गरिएको छ।

अदालतमा आउँदा उनको हातमा ‘कुरान’ थियो र सजा सुनाउने बेलामा “अल्लाहु अकबर, इराक जिन्दाबाद, इराकी जनता जिन्दाबाद ‘’ भन्दै कराईरहेका थिए र सजा सुनाए पछि उनले अदालत, जज र इराकमा भएको अमेरिकी सेनालाई गाली गर्दै थिए भनें अदालत बाहिर ल्याउँदा चुपचाप थिए र अनुहारमा हल्का मुस्कान पनि थियो ।

सजायं सुनाईए पछि बग्दादमा दुइवटा सुन्नी बाहुल्य भएको क्षेत्रमा अमेरीकी सैन्य र बन्दूकधारीहरूबीच भिडन्त भएको थियो। सद्दाम हुसेनको गृह नगर टिक्रिटमा पनि विरोध प्रदर्शन भएका छन्। फैसला पछि कहिं समर्थनमा त कहिं विरोधमा प्रदर्शनहरु भएका छन् तर इराकका बहुसंख्यक शियाहरूले भने सडकहरूमा बाहिर निस्केर खुशियाली मनाएका थिए।

आश्विन ९ गतें,

एकातिर देशमा दशैंको रमझम , पुरै देश दशैंको तैयारीमा तर अर्को तिर कस्तो अभाग्य, तीन दिन अघि शनिबार ‘घटस्थापना’को दिन ताप्लेजुङको घुन्साबाट वन तथा भू-संरक्षण राज्यमन्त्री गोपाल राई, नेपालका लागि फिनल्याण्डका कार्यबाहक राजदूत पाउली मस्टोनेन लगायत चौबीस जना सवार हेलिकप्टर सदरमुकाम फर्किने क्रममा श्री एयरवेजको हेलिकप्टर उडेको केही बेरपछि सम्पर्क विहिन भएको र आज दिउँसो सवा १ बजेतिर घुन्सादेखि एक माइल दक्षिण पश्चिमस्थित जंगलको खोँचमा दुर्घटनाग्रस्त अवस्थामा फेला परेको छ।
(more…)

काठमाण्डौ/भाद्र २९,

माओवादीहरूले नेपाली सेनाले वीरगञ्ज भएर भारतबाट हात-हतियार भित्र्याएको आरोप लगाउँदै बुधबार देशका विभिन्न भागमा घण्टौंसम्म विरोध प्रदर्शन गर्दै यातायात अवरुद्ध गरे। हातहतियार बोकेर आएका भनिएका सैनिक सवारीहरू मंगलबार साँझ धादिङको गजुरीस्थित संग्राम सार्दुल गुल्ममा राखेर राता-रात खाली गरेको आरोप माओवादीले लगाएका छन् । युएनको शान्ति सेनाले प्रयोग गर्ने जस्तो देखिने ति सवारी साधनहरु सेतो रङ्ग थिए । अहिलेको यो घटनाले वार्तामा केहि असर पुर्‍याएको छ । माओवादीले भारत र नेपाल सरकार दुबैमा शंका गरेको र सो हतियार काठमाण्डौ भित्राईने शंकामा ठाँउ-ठाँउ जाँच गरेको छ । टायर बालेर काठमाण्डौ लगायत प्रमुख शहरहरुमा विरोध प्रदर्शन गरि राजमार्गका ठाउँठाउँमा यातायात अवरुद्ध गरिंदा लाखौं मानिसहरूलाई असर पर्नेगरी घण्टौसम्म सामान्य जनजीवन अस्तव्यस्त भएको थियो ।

शंकाको मुख्य विषय : धादिङको सार्दुल गुल्ममा राखिएका वाहन (more…)

काठमाण्डौं/भाद्र २३ ,

आज विविसी नेपाली सेवाको कार्यक्रममा संसारका विभिन्न ठाँउहरुबाट नेपालीहरुले सोधिएका प्रश्नको उत्तर माओवादी अध्यक्ष प्रचण्डले दिनुभएको थियो । सो कार्यक्रम नेपाली समयानुसार आज साँझ ९:०० बजे देखि १०:०० बजे सम्म देशको बिभिन्न रेडियो FM ले प्रत्यक्ष प्रसारण गरेको थियो र कान्तिपुर टेलिभिजनले पनि प्रसारण गरेको थियो । रेडियो सगरमाथाको त्यस कार्यक्रममा नेपालीहरुले सोधिएका प्रश्न र प्रचण्डले दिनुभएको उत्तर सुन्नलाई यहाँ क्लिक गर्नुहोस् ।

Update//
मेरो नेपालका पाठकहररलाई पुन: यो पोष्टलाई अपडेट गरी स्मरण दिलाउन चाहान्छु कि आज विविसी नेपाली सेवाबाट पाठकहरुले पठाएको एंव सोधिएको प्रश्नको जवाफ माओवादी अध्यक्ष प्रचण्डले प्रत्यक्ष उत्तर दिने छन् । उक्त कार्यक्रम नियमित नेपाली समयानुसार साँझ ९:०० देखि १०:०० बजेसम्म (आज आधा घण्टालाई बढाएर ) सुन्न सकिने छ । सुन्न नबिर्सनुहोला ।

भाद्र २ गतें,

बीबीसी नेपाली सेवाले सेप्टेम्बर आठ तारीख अर्थात भाद्र २३ गते शुक्रबार एक विशेष कार्यक्रममा संसार भरिबाट मानिसहरुले टेलिफोन, इ-मेल र पत्र मार्फत सोधेका र संचार सुविधा नभएका स्थानबाट मानिसहरुले रेकर्ड गराइ सोधेका प्रश्नहरुको, माओवादी विद्रोहीका अध्यक्ष प्रचण्डले काठमाडौंबाट प्रत्यक्ष जवाफ दिनेछन्। पत्र प्राप्त हुन केही समय लाग्ने भएकोले, तपाईं पनि प्रचण्डलाई पत्र मार्फत एउटा प्रश्न सोध्न चाहनु हुन्छ भने सेप्टेम्बर दुई तारीख अर्थात भाद्र १७ गते शनिबारसम्ममा बीबीसी नेपाली सेवामा प्राप्त हुने गरी निम्न ठेगानामा पठाउनु होला -

बीबीसी नेपाली सेवा
पोष्ट बक्स नंबर ६७२
काठमाडौं
नेपाल।

[Note: कृपया खाममा “प्रचण्डलाई प्रश्न” लेख्न नभुल्नु होला । इ-मेलबाट प्रश्न पठाउन चाहनेले आफ्नो एउटा प्रश्न, पूरा नाम र ठेगाना सहित यो इ-मेल ठेगाना: nepali.letters@bbc.co.uk मा पठाउनुहोला। टेलिफोनबाट प्रश्न सोध्न चाहाने स्रोताहरुले सेप्टेम्बर सात तारिख, बिहिबार, नेपाली समय अनुसार साँझ छदेखि आठ बजेसम्म टेलिफोन नम्बर ४४३-३०५० वा ४४३-३०५६ मा सम्पर्क गर्नुहोला । ]

बिबिसी

त्यस्तैं प्रधानमन्त्री गिरिजाप्रसाद कोइरालाले हतियार व्यवस्थापन नभएसम्म माओवादीलाई सरकारमा सामेल नगरिने बताएका छन् भने माओवादीका अध्यक्ष प्रचण्डले पनि “हामी सत्तामा छिटै पुग्छौं या पुग्दैनौं मलाई थाहा छैन र सत्तामा जान हतार पनि छैन। राज्यसत्तामा केहि संरचनागत हेरफेर भएन भने सत्तामा जांदैनौं पनि, बरू बाहिरै बसेर सम्बिधानसभासम्म हामी सहयोग गर्ने कोशिश गरौंला।” भनेका छन् । आफ्नो प्रतिनिधित्व नभएको बर्तमान संसदको विघटन एवम् अन्तरिम सम्बिधान मार्फत आफू सहितको अन्तरिम संसद गठन, माओवादीहरूको पुरानै माग हो। राजतन्त्रको अन्त्य र गणतन्त्रको स्थापनाको कुरा त अर्को बर्ष गर्ने भनिएको सम्बिधान सभाको चुनावले तय गर्नेछ तर उक्त चुनाव गर्न माओवादी सहितको अन्तरिम सरकारको गठनको कुरा नै अहिले अगाडी बढ्न सकेको छैन। हतियार सहितका माओवादीहरूलाई सरकारमा सामेल नगरिने दृढता प्रधानमन्त्री कोइरालाले दोहोर्याएका छन्।

१३ भाद्र,

गत आईतबार भाद्र ११ गते नेपालबाट इन्टरनेशनल लेभर अर्गनाइजेसन (ILO) को १४औं रुसियाली वैठकमा भाग लिनआइपुग्नु भएका श्रम तथा यातायात ब्यवस्था मन्त्री तथा सरकार माओवादी वार्ता टोलीका सदस्य रमेश लेखकको कोरिया भ्रमणको अवसर पारेर प्रवासी नेपाली पत्रकार संघ दक्षिण कोरियाका अध्यक्ष डम्बर सुब्बाले कार्यसमितलाई पूर्णता प्रदान गर्दै कार्यबिभाजन पनि गरेको थियो । सो कार्यसमितिमा उपाध्यक्षमा माधवी भट्ट, सचिव भूपेन्द्र आचार्य, सहसचिव केशव खड्का, कोषाध्यक्ष बोधराज रेग्मी रहनु भएको छ भने सदस्यहरुमा म लगायत मिनोद मोक्तान र गणेशबहादुर लिम्बु हुनुहुन्छ । संघको संरक्षकमा भनें नेपाली सम्पर्क समिति दक्षिण कोरियाका अध्यक्ष बमप्रसाद लावतीलाई चयन गरिएको छ । हाम्रो कोरियन भाषा सहित नेपाली अनि विभिन्न भाषामा वेबसाइट पनि छ ।

साथै आन्याङ सेल्टरमा माननिय मन्त्री ज्युसँग अन्तक्रिया कार्यक्रम पनि गरेको थियो । नेपाल सम्पर्क समिती र प्रवासी नेपाली पत्रकार संघले आयोजना गरेको उक्त कार्यक्रममा माननिय मन्त्री लगायत वहाँ सँगै आउनु भएका श्रम सचिवज्यु र कोरिया स्थित बिभिन्न संघ सस्थाका सदस्यहरुले पनि आ-आफ्नो मन्तव्य व्यक्त गरेको थिए । मन्तव्यको भिडियो लागी यहाँ क्लिक गर्नुहोस् । कार्यक्रमको अन्तमा अन्तक्रिया कार्यक्रम भएको थियो । अन्तक्रिया कार्यक्रममा नेपाली राजदुतावास राख्ने, ईपियस सिस्टम लागु गर्ने सम्बन्धि र अन्य प्रश्नहरुको अत्यन्तै सहज तरिकाले उत्तर दिदैं विगतमा आएका मन्त्रीहरुले जस्तैं आँफुले उक्त कार्य गर्न वाचा नगर्ने तर आँफुले सक्दो प्रयास गर्ने र गर्न नसकेमा माफी समेत मागेका थिए । समयको अभावले सबैले प्रश्न राख्न नपाएको र केहि भएमा यहि भाद्र महिनाको २१ गते सिओलमा हुने एशियन मुलुकहरुका राजनैतिक पार्टीका नेताहरुको भेलामा भाग लिन पूर्व प्रधानमन्त्री तथा नेपाली कांग्रेस प्रजातान्त्रिकका सभापति शेरबहादर देउवा, नेकपा एमालेका महासचिव माधवकुमार नेपाल र नेपाली कांग्रेसका महामन्त्री रामचन्द्र पौड्याल आउनु हुन्छ वहाँहरुलाई राख्‍दा पनि हुन्छ भन्नु भएको थियो ।

नेपाली सम्पर्क समिति अध्यक्ष वमप्रसाद लावतीको सभापतित्वमा सम्पन्न उक्त कार्यक्रमको संचालन नेसस सचिव केशव खड्काले गर्नुभएको थियो भने सहसचिव माधवी भट्टले स्वागत मन्तव्य गर्नुभएको थियो ।

[दिनभरीको कार्य व्यस्तताले गर्दा ब्लग लेख्‍न ढिला भयो।]

L.A./24th July,

अमेरिकाको लाँस ऐन्जेलमा आयोजित ‘मिस युनिवर्स’ प्रतियोगिता संसार भरिको ८६ देशहरुबाट आएका सुन्दरीहरुको साथमा हिजो आइतबार आयोजना गरिएको थियो । ‘मिस युनिवर्स’ प्रतियोगितामा प्यूर्तो रिकोकी जुलेका रिवेरालाई ‘मिस यूनिवर्स २००६’ चुनिएकी छिन् । १८ वर्षिय जुलेकालाई ‘मिस यूनिवर्स २००६’ को मुकुट सहित २.५ लाख यु.यस.डाँलरको पुरस्कार पनि प्रदान गरिएको छ । त्यस्तै दोस्रो स्थान (1st रनर अप) जापानकी कुरारा चिबाना र तेस्रो स्थान (2nd रनर अप) स्विजरलैण्डकी लारिएन गिलेरनलें प्राप्त गरेकी छिन् । यस प्रतियोगिताको १८० देशहरुमा सिधा प्रशारण गरिएको थियो ।

‘मिस यूनिवर्स २००६’ जुलेका रिवेरा ^

बाँकि फोटो भित्र…> (more…)

काठमाडौ/श्रावण ५,

सरकारको अनुमती लिएर वैदेशिक रोजगारको लागी लेबनान पुगेका नेपालीहरुको तथ्याङ्क सरकारले १८ जनाको देखाए पनि पाँच हजारको हाराहारीमा रहेको नेपालीहरु छन् । तेस्रो मुलुक धेरै जसो भारत हुदै वैदेशिक रोजगारको लागी त्यहाँ पुगेका पाँच हजार नेपालीहरु मध्ये आजमात्र लगभग ७२ जनाको मृत्यु भएको(पुष्टि नभएको) खबर छ भने हाल उद्धार गर्नुपर्ने अवस्थामा ५ सय रहेको र उपप्रधान एवं परराष्ट्र मन्त्री केपी शर्मा ओलीले भारतीय नागरिकहरुसँगै नेपाली नागरिकलाई पनि उद्धार गर्न भारतसँग अनुरोध गरिएको जानकारी अनुसार १० जनाको उद्धार भएको बताइएको छ। यस अघि मन्त्री ओलीले उत्तरी लेबनानमा उद्धार गरिहाल्नुपर्ने अवस्था आइनसकेको दावीसमेत गर्नु भएको थियो । इजरायलले लेबनानमा लगातार विमानले हामला गरेपछि सो क्षेत्रका चालीस भन्दा बढी लक्ष्यमा आक्रमण गरेको र सो क्षेत्रका बासिन्दालाई तत्काल स्थान खाली गर्न चेतावनीसमेत दिएको थियो। इजरायलले लेबनानमा गरेको आक्रमणको क्रममा ३ सय ३० बढीको ज्यान गइसकेको छ।

सउल/१६ जुलाई,

द.कोरियामा शुक्रवार देखि आज आइतवार सम्म परेको अविरल वर्षाको कारण गएको बाढि-पहिरोमा परी लगभग ३१ जनाको मृत्यु हुनको साथै १८ जना बेपत्ता भएको समाचार छ । वर्षाको सबभन्दा बढि प्रभावित परेको द.कोरियाको उत्तरी भेगमा पर्ने ‘गाङ्गवन’ भन्ने क्षेत्रमा गएको तीन दिनमा ५००मि./मि. (२० इन्च भित्र) भन्दा बढि पानी परेको समाचार त्यहाँका समाचार स्रोतलें जनाएको छ । कोरिया टेलिभिजनको मुख्य समाचारमा रहेको त्यहाँको बाढि-पहिरोलें अनेकौ घरहरु, गाँउका खेत र सडक बगाएपछि बाटो अवरुद्ध हुनको साथैं दुई हजार भन्दा बढि नागरिकहरु घरविहिन भएका छन् । कम्तिमा पनि १०० वटा भन्दा बढि कार पहिरोलें क्षतिग्रस्त भएको छ भनें लगभग पँचास हजार मानिसहरुको घरको बिजुली, खाने-पानी, टलिफोन सेवा र इन्टरनेट सेवा पनि अवरुद्ध भएको छ । पुलिस,सेना र उद्धार टोलीले बाढि-पहिरोबाट घाइतेहरुलाई निकाली सुरक्षित स्थानमा पुर्‍याइरहेका छन् भने उद्धारको लागी हेलिकप्टर समेत प्रयोग गरिएको छ । राजधानीमा नदी छेउमा रहेको सडकहरु सुरक्षाको लागी बन्द गरिएको छ । स्थानिय मौसम विभाग अनुसार बिहिवार सम्म पानी पर्ने सम्भावना बताइएको छ ।

बाढिले प्रभावित क्षेत्रहरु :

राजधानी सउलको केन्द्रमा रहेको ‘हान’ नदीको बाढिको प्रभाव

‘हान’ नदिमा पर्ने टोङ्बु हाईवेमा बाढि प्रभाव …बाँकि फोटो भित्र >> (more…)

काठमाडौं/अषाढ ३०,

विगतदेखि नै कोरियामा प्रशिक्षार्थी कामदार आपुर्तिको कोटा गुम्ने नाममा म्यानपावर कम्पनीहरूको मनोमानीप्रति आँखा चिम्लदै आएको सरकारले आगामी वर्षदेखि स्वंय पठाउने भएको छ । २००६ को ६९५ जना प्रशिक्षार्थी कामदार कोटामा मुनड्रप्स म्यानपावरले सरकार विहिन अवस्थामा असिमित पैसा असुलेर गोप्यरुपमा कामदार पठाउनें कार्य पर्दाफास भएपछिको विवादमा परेपछि सरकारलेनैं पठाउने कुरामा कोरिया सरकारलें ‘निजी क्षेत्रबाट निजी क्षेत्रमा नै गरिएको सम्झौता भएकाले’ भन्दै अस्विकार गरी अन्तिम पटक मुनड्रप्स म्यानपावरले पठाउन पाएको थियो र आगामी वर्षदेखि कोरिया सरकारले नेपाल सरकारमार्फत् नै कामदार लिने प्रक्रिया सुरु गरेको जानकारी थाहा हुन् आएको छ ।

नेपालसहित ८ देशबाट कोरिया साना तथा मझौला उद्योग संघ (KFSB) ले निजी क्षेत्रबाट प्रशिक्षार्थी कामदार लैजाने प्रचलनलाई कोरिया सरकारले यसै वर्ष नयाँ प्रणालीबाट प्रतिस्थापित गर्दै आगामी वर्षदेखि कोरियाले रोजगार अनुमति प्रणाली (EPS) मार्फत् कामदार माग गर्नेकुरा बिहीबार प्रतिनिधिसभाको परराष्ट्र सम्बन्ध तथा मानव अधिकार समितिलाई दिएको छ। लुम्बिनी म्यानपावरलें अवैध रुपमा कामदार पठाउने प्रक्रियाको पर्दाफास भएर बन्द भएपछि दरबारको आडमा फाइदा उठाउदै मनोखुशी पैसा उठाई एकलौटी कामदार पठाउदै आएको मुनड्रप्स म्यानपावर कोरिया सरकारको पछिल्लो निर्णयले नराम्ररी थला परेको छ भनें EPS System लागु भएपछि कोरियामा भएको नेपाली कामदारहरुलाई केहि राहत हुनेकुरामा त्यहाँ रहेका नेपालीहरु विश्वस्त छन् ।

काठमाडौं/ अषाढ २९,

अर्थमन्त्री रामशरण महतले बुधवार प्रतिनिधिसभामा आर्थीक वर्ष २०६३/६४ को लागि एक खर्ब ४४ अर्ब रुपीयाँको बजेट प्रस्तुत गर्नुभएको छ। आउने आर्थिक वर्ष संविधानसभाको निर्वाचन हुन्छ भन्ने आधारमा निर्वाचनका लागि बजेटमा १ अर्ब २५ करोड रकम विनियोजन गरिएको छ ।राजाको प्रत्यक्ष शासनकालमा ह्वात्तै वढाइएको राजदरबारको खर्चमा ४५% कटौती गरिएको छ भने सेनामा नयाँ भर्ना नगरिने जनाइएको छ। दरबार खर्च आगामी वर्षका लागि २० करोड ९७ लाखमा सीमित भएको छ । दरबारले आगामी वर्षका लागि करिब २९ करोड माग गरेको थियो ।

यसअ‌घि प्रत्येक गाउँ विकास समितिलाई दिइँदै आएको पाँच लाख रुपीयाँको अनुदानलाई दोब्बर बनाई १० लाख पुर्‍याइ ग्रामीण क्षेत्रलाई प्रथामिकता दिइएको छ । यो रकम अर्थ मन्त्रालयबाट सोझै गाउँ विकास समितिमा पठाइनेछ । यसअघि स्थानीय विकास मन्त्रालय र जिविस हुँदै रकम जान्थ्यो । २०५४ सालपछि गाविसमा प्रत्यक्ष जाने रकम वृद्धि भएको यो पहिलो पटक हो । गाविस अनुदानमा झन्डै ४ अर्ब खर्च हुनेछ । त्यस्तै वृद्ध र विधवा भत्ता पनि वृद्धि भएको छ । त्यस्तै कृषि अनुसन्धानमा केही समयअघि कटौति गरिएकोमा बजेटमा कृषि विकासको लागि झण्डै चार करोड रूपीयाँ विनियोजन गरिएको छ।

मस्को /९ जुलाई,

रुसको राजधानी मस्कोबाट उडेको एक यात्रुबाहक ‘सिविर एयरको उक्त ए-३१०’ विमान दुर्घटना भएको छ । उक्त विमानमा १ सय ९२ जना यात्रु र चालक दलका ८ सदस्यरहेका मध्ये १ सय ५० जनाको मृत्यु भएको छ । उद्धारकर्मीहरुले १ सय २० जनाको शव निकालिसकेको छ। रुसी समाचार संस्थाहरुका अनुसार मस्कोबाट उडेको सो विमान साइबेरियाको इरकुत्स्क विमानस्थलमा उत्रने क्रममा रनवेमा चिप्लिएर एक भवनमा ठोक्किएर दुर्घटनाग्रस्त भएको थियो । अधिकारीहरुका अनुसार घटनामा ७० बढी घाइते छन् । दुर्घटनाको खास कारण खुलिसकेको छैन ।

पाकिस्तानमा

यता पाकिस्तानको मुल्तान देखि लाहौर उडेको विमान दुर्घटना हुँदा सबै यात्रुहरुको मृत्यु भएको छ । सो विमानमा चालक दलका ४ जना सहित ४१ जना यात्रुहरु थिए । विमान मुल्तान विमानस्थल देखि उडान भरेको तीन मिनेटमा नै विमानको इन्जनमा आगो लागेर असन्तुलन भएर बिजुलीको तारमा ठोक्किएर पछि खेतमा खस्न पुगेको थियो । दुर्घटनाको मुल कारण थाहा भएको छैन । बीबीसी अनुसार विमानमा लाहौर हाई कोर्टको दुई जज, पाकिस्तान अंतरराष्ट्रीय एयरलाइनको एक वरिष्ठ अधिकारी र पाकिस्तानी सेनाको दुई वरिष्ठ अधिकारी पनि सवार थिए ।फोटो हेर्न भित्र आउनुहोस् : (more…)

जर्मनी /१०जुलाई,

बर्लिनमा भएको फाइनल खेल निकै रोचक र नाटकीयसमेत बनेको थियो । अतिरिक्त समयका बावजुद पनि १-१ को बराबरीमा रहेपछि पेनाल्टी सुटआउट खेलाइएको थियो ।इटलीले फ्राँन्सलाई पेनाल्टी सुटआउटमा ५-३ ले हराएर चौथो पटक विश्वकप फुटबल प्रतियोगिता जितेको छ। तर, फाइनलको सबैभन्दा दुर्भाग्यपूर्ण घटना फ्राँन्सका स्टार खेलाडी जिनेदिन जिदानेलाई रेड कार्ड दिखाउनु भयो । एक सय १० मिनेटमा जिदानले मेतारात्सीलाई रिसले टाउकोद्वारा छातीमा प्रहार गर्दा रेडकार्डको सिकार भई मैदान बाहिरिँदा फ्रान्स १० खेलाडीमा मात्र सीमित भएको थियो । आफ्नो फुटबल जीवनको अन्तिम खेलमा फ्रान्सका कप्तान जिनेदिन जिदानले अनुशासन बाहिर गएर विपक्षी टिमका खेलाडीमाथि प्रहार गर्दा रातो कार्ड पाई मैदान छाड्नुपर्ने स्थिति आएपछि जिदानको अभावमा ट्राइबेकरमा फ्रान्सलाई घाटा लागेको थियो ।सहायक रेफ्रिसँगको सल्लाहपछि अर्जेन्टिनाका रेफ्रिले जिदानलाई मैदानबाट बाहिर निकाल्ने निर्णय गरेका थिए । यसअघि थियरी अनरी र पेटिरक विएरालाई पनि टीम बन्धन बाहिर बोलाइएको थियो । इटलीले सन् १९३४, १९३८ र १९८२ मा प्रतियोगिता जितेको थियो तर फ्राँन्सले सन् १९९८ मा एक पटक मात्र जितेको छ ।

यसपल्टको :

ब्राजील : पाँच पटक
इटली : चार पटक
जर्मनी : तीन पटक
अर्जन्टीना : दुई पटक
उरुग्वे : दुई पटक
फ्राँस : एक पटक