“”"”Kissing Language (yup, it’s a language)
if a kiss is the Language of Love,
then we have a lot to talk about it…

methods of Love….

+kiss on the ear——————–”i’m horny”
+kiss on the cheek—————–”we’re friends”
+kiss on the hand——————”i adore you”
+kiss on the neck——————-”we belong together”
+kiss on the shoulder————–”i want you”
+kiss on the lips———————”i love you” or “i want you”
+holding hands———————–”we can learn to love each other”
+a wink———————————”Let’s get it on”
+slap on the butt———————”thats mine”
+playing with the ear—————-”i can’t live without you”
+holding on tight———————”don’t let go”
+looking into each other’s eyes—”let’s get romantic”
+pulling hair on head—————”tell me you love me”
+arms around the waist ———–”i love you too much to let go”

=advice=
if you’re kissing someone, close your eyes. it’s not nice to stare…

=requirements=
post this again after reading!!…or you’ll have a bad year of relationship

If you REALLY LIKE (or LOVE) SOMEONE right now AND MISS THEM and can’t get them out of your head then re-post this within 1 mintute and whoever you are missing will surprise you tomorrow.”"”"
Source: somewhere

दुई पटरीको बिचमा फंसेको छ जवान,
सासु- बुहारीको गृह- युद्घमा शहिद भएको छ जवान,

के भयो उसले आज आफ्नो अधिकार माग्यो त !? (more…)

दिन बिती सक्यो
रात आउन अझै बाँकी नै छ
दिउँसो देखेको थिए उनलाई
यहि गल्लीमा आउदै थिईन
नशालु नजर झुकाउदै
रेशमी कपाल लहराउदैं
बारुली कम्मर मर्काउदै
बोलाउछ कि भन्ने भावना बनाउदै

तर…
कथा सकिएको छैन अझै
मलाई थाहा छ
आँखा चिम्लिन् साथ
फेरी चुपचाप बिना आहतमा
सपनीमा आउँछिन् उनि
हाम्रो मिलन हुनलाई
मन मेरो पनि आतुर छ
उनको त्यो नशालु नयनमा
डुब्न बाँकि नै छ
अझै रात आउन बाँकी नै छ ।

यो के भए म ?

मागे जति सबै दिए, खाली भए म ,
कस्ले गर्यो बेइमान् यहाँ, जाली भए म ।

कुरा गर्छन् सबै साथी उन्नतीका,
दर्शक माझ फगत यौटा, ताली भए म ।

माटो संग कर्म गर्छु, धर्म गर्छु,
आफैं भित्र खिईरहने, फाली भए म ।

कुरो हुन्छ चार जात र छत्तीस् बर्ण,
बिना फूल बगैचाको, माली भए म ।

मैले थापें, मैले ख्वाँए अन्न पानी ,
खाए पछि फालिएको, थाली भए म ।

घुर्क्याउने, फक्याउने यस्तै हुन्छ माया ,
मायालुको ओंठमा सधैं, लाली भए म ।

स्वभिमानको छानो फाट्छ किन यहाँ ।
बर्खामास चुहिरहने, पाली भए म ।

********************************

‘अम्रिकाको ग्रिन’काल (कार्ड)‘

आदरनीये पीर्येबुढी
सादर ‘स्यालूट’ छ,
मलाई लाग्छ हाम्रो माया-प्रीति
अझै ‘भ्यालिड’ छ।।

धेरै वर्षपछि,
‘बोष्टन सीटी’बाट यौटा
चिठी लेख्दैछु,
तिमी विना भुङ्रो जस्तो
रन्किएको मेरो मन,
हरिया डलरले अझै सेक्दैछु।। (more…)

अषाढ/१३ गतें,

कठोर मुटु, पत्थर मुर्ति, न भगवान न अल्हामा छु ,
जित्न हिंडेको संसार म, आमा तिम्रै आशिषमा छु ।।

मेरी प्यारी सान्नानीलाई, पिर नमानी बस्न भन्नु,
सुखका ती दिन साथै, लिई आउने कोशिसमा छु ।

न्यास्रो लाए आँगनीमा, निस्कीएर हेर्नुस् आमा,
गोधुली की क्षितिज पारी, त्यतैं कतै झिसमिसमा छु ।

बुढ्यौलीमा तिम्रा पनि, आँखा कमजोर भए होलान्,
नियालेर हेर्नुस् फोटो, साथी-भाईकैं छिसमिसमा छु ।

गोली लागेनी पोल्दैन् छाती, ढुक्क भए हुन्छ आमा,
म त हरेक पल-पल केवल, तिम्रै धड्कन शतिसमा छु ।।

चुट्किला

कंजुस

एउटा कन्जुसहरुको घरमा बाबु मरे पछि अन्तिम क्रिया गर्न शव लैजाने विषयमा छोराहरु छलफल गर्दै थिए।
पहिलो छोरा : शव बाहनमा लैजानुपर्ला ।
दोस्रो छोरा : ठेलागाडामा लगे पनि भईहाल्छ नि !
तेस्रो छोरा : मर्ने मरिहाल्यो बाँधेर घिस्याउदै लैजाउँन ।
छोराहरुको कुरा सुनेर असहृय भएको शव जुरुक्क उठेर भन्यो ‘धत्तेरिका कन्जुसहरु ! खैं मेरो जुत्ता र टोपी ल्याउ म आफै हिँडेर जान्छु ।’
(more…)

घर गाँउ छोडेर विदेश आइयो ,
यस्‍तैं रहेछ विदेश त्‍यो पनि थाहा पाइयो ।
नभैं पनि नहुने रहेछ नि !
हुँदा पनि संतोष खैं त नि ?
काम गर्दा कति लाग्‍छ थकाई ?,
फर्कनु छ व्‍यवहार सल्‍टाई ।
दिक्‍क लाग्‍छ काम गर्दा जहिले नि ,
खानु हुन्‍न हरेश कहिले नि ।
दर्जा एउटैं , काम अलि फरक ,
नबिर्सनु देश , गाँउ घर त ।
दिदी-बहिनी , दाजु-भाइ सबैंलाई ,
रोग ब्‍यधिले नछोओस्‌ कसैंलाई ।
दशैं आयो , तिहार पनि आओस्‌ ,
सबैंको मनमा खुसीनैं छाओस्‌ ।
ह्‍वस्‌ त विदा आज , यत्तिनैं अहिलेलाई ,
नमरे बाँचे भेट होला नि कहिले काँही ।।

खाली हातले पहिलो भेटमा तिमीसंग मायाको भिक्षा माग्दैछु ,
तिम्रो लागि गरगहना आकासबाट जुनतारा टिपी ल्याउदैछु ।

केहि छैन म संग खाली रितो हात छ ,
केही कुरा माग्यौ भने दुखियाको दु:ख मात्र छ ,
दु:ख संग मैले मित गाँस्न भन्दैछु ,
तिम्रो लागि गरगहना आकासबाट जुनतारा टिपी ल्याउदैछु ।

दु:खै दु:ख मेरो हातमा रमार्इ रहन्छ ,
विरहीको दु:खी जीवन कस्ले बुझि दिन्छ ,
दु:ख बेच्ने मनको बजार एउटा खोज्दैछु ,
तिम्रो लागि गरगहना आकासबाट जुनतारा टिपी ल्याउदैछु।

खाली हातले पहिलो भेटमा तिमीसंग मायाको भिक्षा माग्दैछु ,
तिम्रो लागि गरगहना आकासबाट जुनतारा टिपी ल्याउदैछु ।

उर्वर मेरो जिन्‍दगी आज निष्‍क्रय भैंरहेछ ,
पौरखमा ऊजाडिनु पर्ने पाखुरीहरु ,
गोरटोमा फड्‌का मार्नु पर्ने पैतालाहरु ,
गह्रौ भारीहरु लेक बेंशी गराउनु पर्ने पिठ्‍युँ ,

फगत्‌ निकम्‍मा भईरहेछन्‌ ।
मित्रहरु संग टाढिएर ,
शत्रु सगं छलिएर,
पराईको गर्जनमा थिचिएर,
आफन्‍तहरुको सम्‍झानामा तड्‌पिएर ,
एक्‍लो यो जिन्‍दगी , शुन्‍यतामै…..
हराईरहेछ ! हराईरहेछ !!

******** Y. ROKA********

चार जात र छत्‍तीस वर्णको साझा फुलबारी नेपाल,
तर खैं के भो ? देशमा कालो बादल छायो भैं रहेछ बेहाल।
चारैं दिशा हत्‍या र हिंसा , गोला बारुद र बम ,
बुद्घि बेलैमा नआए , गृह युद्घ हुन्‍न कम ।

बास्‍ना छैन सयपत्री फुलको, आउछ बारुदको गन्‍ध,
अशान्‍तीको बादल छायो , खैं कहाँ छ शितल पवन मन्‍द मन्‍द ?
आफन्‍तकै रगतले खोस्‍यो लालिगुराँस र लालुपातेको रङ्‍ग ,
सबैलाई पिर,चिन्‍ता छ मनमा , म पनि छु दङ्‍ग ।

शान्‍तीको देश नेपाल हाम्रो , गर्नु परेन कहिल्‍यै गुलामी ,
एक आपसमा लड्‍दा लड्‍दै गर्नु पर्ला अरुलाई सलामी ।
अब अघि बढौ ,छोडौ डर र त्रास, आकाशवाणी भैं रहेछ ,
देश भक्‍तीको भावना जगांऔ हेर , नेपाल आमा रोईरहेछ ।

बनाऔ फेरी देशलाई सारा जगले चिन्‍ने शान्‍तीको देश,
आपसमा लडेर , मरेर के हुन्‍छ ,हुन्‍छनै भने मैं मरिदिन्‍छु वेश।!?
हे ! भगवान देऊ बुद्घि बेलैमा , देऊ बुद्घको उपदेश !
होईन भनें फेरी एउटा बुद्घ पठाईदेऊ यो हाम्रो देश ,
……….. फेरी एउटा बुद्घ पठाईदेऊ यो हाम्रो देश ।।।
टंक सेरचन(S.Korea)

मेरो माया क्षितिज पारी हिमाली गाँउमा,
चिट्‍ठी मालाई लेख्‍दै होलिन्‌ प्रदेशीको नाँउमा।
भिरपाखा , खोला नाला,भन्‍ज्‍याङतिर लुकामारी खेल्‍दै ,
घाँस दाउरा मेला पात अनेक दु:ख झेल्‍दै।
जादै होलिन्‌ गोठालीमा भेडी चौरी गन्‍दै,
टिप्‍छन्‌ होलि लालिगुँरास मालाई दिने भन्‍दै।
भाका मिलाई, ‘काफल पाक्‍यो’ चरीसंगै गाँउदै होलिन्‌ उनी,
ए प्रदेशी ! कति बस्‍छौ ! छिट्‌टै आउन भनि।
मनको कुरा चिट्‍ठी द्वारा पोख्‍दै होलिन्‌ उनी,
कति राख्‍छौ मलाई कुर्‌याई काहिले आउछौ भनि।
तिमी छैनौ ,गाँउघर सुनसान, कति बस्‍ने कुर्दै,
सम्‍झि सम्‍झि बसेकी छु तिम्रो बाटो हेर्दै ।
साथी संगी गई सके डोली चढ्‌दै रम्‍दै,
कहिले आउछौ ? जन्‍ती लिई लगन साईत जुराई।
दिन गयो ,महिना गयो,वर्ष पनि गयो ,
छिट्‌टै आउछु , भन्‍थ्‍यौनित , ढाँट्‌या ढाट्‍यै भयो।
ए प्रदेशी छिटो आउ भो पर्‍या छैन बस्‍न ,
अत्‍यार मलाई लागि सक्‍यो लगन गाँठो कस्‍न।
मेरो माया क्षितिज पारी हिमाली गाँउमा,
चिट्‍ठी मालाई लेख्‍दै होलिन्‌ प्रदेशीको नाँउमा।
……दिनेश थापा(Korea)

सानो भाई आँगनीमा नाच्‍दैं घुम्‍दो होला,
बगैंचामा भमराले फुल चुम्‍दो होला,
सानो पाडी अब निकैं ठुलो भयो होला,
सानो बैनी भित्‍तो समाई उठ्‌ने भैई होली,
तोरी बारी देखिदो हो सुन छरे जस्‍तो,
फाँपर बारी दकमक्‍क जुन छरे जस्‍तो,
अम्‍बा टिप्‍न आउदो होलान्‌ टोलका केटाकेटी,
सानो भाई दौड्‌दो हो हातमा समाई लट्‍ठी,
तिल बारीमा सुगाहरु चिर्बिराउदा होलान्‌,
कोढो बारी कोढो टिप्‍न्‌ आमा जादो होलिन्‌,
केटाकेटी कोसा टिपी केराउ खाँदा होलान्‌,
कति सुन्‍दर कति रम्‍य मेरो प्‍यारो गाँउ,
स्‍वर्ग जस्‍तै अलका पुरी म जन्‍मेको ठाँउ,
अहो कति प्‍यारो म जन्‍मेको गाँउ।।

सु:ख र दुख तिम्रो र मेरो दुईको यो संसार,
गंगा सरि पवित्र छ हामी दुईको प्‍यार ।

फुलेको फुलमा मिलेर बसौला सुभाष छरेर,
ताराहरुको बिचमा पुणींमाको जुन झै बनेर।।

तिमीसँग मैले धेरै रात पिएको छु,
रातभरि अनिदोको मात पिएको छु।

बास्ना आउने पानीको माद चढेपछि
निष्ठुरीको दर्ुवाच्य र हात पिएको छु ।

रहरका बाँध भत्की आँसु पोखिएर,
पीडैपीडा अभावका खात पिएको छु।

बैगुनीको भलो गर्न खोजे पनि यहाँ,
जिन्दगी नै चुक्ने गरी लात पिएको छु।

खुसी हुनुपर्ने दिन रोदनमा डुब्दा,
मुटुभित्रै दुखेर पो घात पिएको छु।।

टंक सेरचन
(हाल-द.कोरिया)

आज तिम्रो सम्‍झानामा रात पनि भूले मैले ,
प्रेमरोगले सताएर जात पनि भूले मैले,
तिम्रो कोमल मधुर मीठो बोलीमा हराउँदा ,
अतितका तितामीठा बात पनि भूले मैले।
आखाँभरि मनभरि तिमीलाई नै राखिदिदाँ ,
पहाडसरि दु:खकाखात पनि भूले मैले,
तिम्रो साथमा रमाउने सपना देख्‍दा आज ,
अतितमा दिएका आघात पनि भूले मैले ।
तिम्रो एक मुस्‍कानमा आफ्‍नो खुसी फुलाउँदा,
मुटु रेट्‌ने सिसासरी घात पनि भूले मैले,
लडिसक्‍दा पनि तिम्रो साथको आशा राख्‍दा ,
आफन्‍तको सहयोगी हात पनि भूले मैले।।
टंक