कार्तिक २० गतें,

एक परिचित नाम सद्दाम हुसैन, भुतपुर्व इराकी राष्ट्रपति, एक तानशाह एंव क्रुर शासक जसलाई मानवता विरोधी अपराधमा दोषी ठहर गरिएपछि बग्दादस्थित अदालतले फांसीको सजाय सुनाईएको छ । १३ महिनासम्म चलेको यो मुद्दामा अदालतले सद्दाम हुसैनका भुतपूर्व गुप्तचर प्रमुख, बर्जन इब्राहिम अल टिक्रिटी र भूतपूर्व मुख्य न्यायाधिश अवाद हमिद अल बन्दरलाई पनि मृत्युदण्डको सजायं सुनाएको छ।

उनीहरूको मुद्दा सन् १९८२ मा १४८ जना गाउंलेहरू मारिएका घटनासंग सम्बन्धीत छ । सद्दाम हुसेन, उनका सौतेनी भाई र भुतपूर्व न्यायाधिशलाई फांसीको सजायं सुनाईएको छ भने भूतपूर्व उपराष्ट्रपति ताहा यासिन रमादानलाई आजीवन कारावासको सजाय सुनाइएको छ। तीनजना भूतपूर्व पार्टी अधिकारीहरू -अब्दुल्लाह काजिम रूवाइद, उनका छोरा मिजार अब्दुल्लाह रूवाइद र अली दाइह अलीलाई पन्ध्र बर्षको सजायं दिइएको छ। अर्का अधिकारी मोहम्मद आजावी अलीलाई भने प्रमाणको अभावमा मुक्त गरिएको छ।

अदालतमा आउँदा उनको हातमा ‘कुरान’ थियो र सजा सुनाउने बेलामा “अल्लाहु अकबर, इराक जिन्दाबाद, इराकी जनता जिन्दाबाद ‘’ भन्दै कराईरहेका थिए र सजा सुनाए पछि उनले अदालत, जज र इराकमा भएको अमेरिकी सेनालाई गाली गर्दै थिए भनें अदालत बाहिर ल्याउँदा चुपचाप थिए र अनुहारमा हल्का मुस्कान पनि थियो ।

सजायं सुनाईए पछि बग्दादमा दुइवटा सुन्नी बाहुल्य भएको क्षेत्रमा अमेरीकी सैन्य र बन्दूकधारीहरूबीच भिडन्त भएको थियो। सद्दाम हुसेनको गृह नगर टिक्रिटमा पनि विरोध प्रदर्शन भएका छन्। फैसला पछि कहिं समर्थनमा त कहिं विरोधमा प्रदर्शनहरु भएका छन् तर इराकका बहुसंख्यक शियाहरूले भने सडकहरूमा बाहिर निस्केर खुशियाली मनाएका थिए।

कार्तिक १२ गते,

(गफाडीहरुको गफ गर्दै)
पहिलो : मैलें उमलिरहेको चिया गिलासमा हाल्न साथ पिएर सिध्याउछु ।
दोस्रो : ह्या !! त्यो त के तातो, मैले त चिया पकाएको भाडाबाट सिधैं मुखमा खन्याउँछु । तेस्रो पनि कम थिएन भन्छ :
मैलें जति तातो त तिमीहरुले खानै सक्दैन । मैले त चिया-पत्ती, चिनी पानी सबै मुखमा हाल्छु र आफैं चुल्हामा(गैस) बस्छु ।

************************

दुई बच्चाहरु झगडा गरिरहेका थिए । एक जना भलाड्मी मान्छेलें तिनीहरुलाई नछुट्याएर उल्टो भन्दै थिए ,’ दाँतमा हान, दाँतमा !!’ । वास्तवमा ति भलाड्मी मान्छे दाँतको डाँक्टर रहेछ ।

************************ (more…)

कार्तिक ७ गते,

मुर्चुङ्गा डट कमको देउसी-भैलोको गीतको लागी यहाँ क्लिक गर्नुहोस् । फेरी यसपाली पनि म ‘भाई टिका’ मा दिदीलाई भेट्न पाईन । यो मेरो बाध्यता भनौं वा के भनौं । प्रवासी भुमिमा परिश्रम गर्न आएका हामी नेपालीको वास्तविकता यही हो । सधैं काम र काम मात्र !! मेरो टिकाको दिन यसरी गयो ।

हिजो सुत्‍ने बेलामा ‘ओहो ! भोली त ‘भाई टिका’ भोली सायद केहि नौलो महसुस हुन्छ नै होला भन्ने सोचेको थिए। तर ‘नाई’ केहि भएन सदा झैं बिहानको आलर्मले निद्रा खुल्यो अनि उहि काम । बिहान देखि खाना खानें बेला सम्म एकदमै व्यस्त, खाना खाएर हतार हतार टिकाको साईत हेर्न कम्प्युटर खोले । मन झन् अत्यास लाग्दो भयो । खाना खाने र आरामको लागीको १ घण्टा सकियो । फेरी काम ,दिनभरी तिहारको बारेमा सम्झें , गाँउ घर सम्झे, साथीहरु सँगको ‘देउसी भैलो’ सम्झें, मादलुको ताल , त्यैं तालमा नाचेको साथीहरु सम्झें, पर बारीमा हालेको ‘लिङ्गे-पिङ्ग’ सम्झें, सेल रोटी, त्यो रङ्गी-चङ्गी माला अनि निधारको त्यो सप्तरङ्गी टिका सम्झे, नयाँ-नयाँ लुगामा रमाउदै गरेको त्यो छिमेकीहरुको केटा-केटी सम्झें, दिदीको त्यो हँसिलो मुहार सम्झें, भाईको चम्किलो अनुहार सम्झें !!………. ऊफ !! मेशिन रोकिएछ ! भोटेले खाँउला झैं गरी हेरिरहेको रहेछ । (more…)

कार्तिक ७ गते,

आज नेपालको दोस्रो ठुलो चाड तिहारको अन्तिम दिन ‘भाई टिका’ देशभरी दिदी-बहिनीहरुलें आफ्ना दाजु-भाईहरुलाई निधारमा सप्तरङ्गी टिका र विभिन्न फुलको माला लगाएर मनाईदै छ । यसपालीको ‘टिका’को साइत बिहान ११:१५ देखी ११:३५ सम्म रहेको पञ्चाङग निर्णायक समितिले जनाएको छ ।

काठमाण्डौमा तिहारको बेला बिक्री बितरणको लागि फुलको माला:

यो के भए म ?

मागे जति सबै दिए, खाली भए म ,
कस्ले गर्यो बेइमान् यहाँ, जाली भए म ।

कुरा गर्छन् सबै साथी उन्नतीका,
दर्शक माझ फगत यौटा, ताली भए म ।

माटो संग कर्म गर्छु, धर्म गर्छु,
आफैं भित्र खिईरहने, फाली भए म ।

कुरो हुन्छ चार जात र छत्तीस् बर्ण,
बिना फूल बगैचाको, माली भए म ।

मैले थापें, मैले ख्वाँए अन्न पानी ,
खाए पछि फालिएको, थाली भए म ।

घुर्क्याउने, फक्याउने यस्तै हुन्छ माया ,
मायालुको ओंठमा सधैं, लाली भए म ।

स्वभिमानको छानो फाट्छ किन यहाँ ।
बर्खामास चुहिरहने, पाली भए म ।

********************************

‘अम्रिकाको ग्रिन’काल (कार्ड)‘

आदरनीये पीर्येबुढी
सादर ‘स्यालूट’ छ,
मलाई लाग्छ हाम्रो माया-प्रीति
अझै ‘भ्यालिड’ छ।।

धेरै वर्षपछि,
‘बोष्टन सीटी’बाट यौटा
चिठी लेख्दैछु,
तिमी विना भुङ्रो जस्तो
रन्किएको मेरो मन,
हरिया डलरले अझै सेक्दैछु।। (more…)

आश्विन ३०,

देश र देशवासीको चिन्ता नगरी हतियार व्यवस्थापन र राजतन्त्रलाई नै लिएर महिनौ देखिको शिखर वार्ता फेरी पनि विना निष्कर्ष भएको छ । अझ यसपाली त सधैं झै अर्को वार्ता कहिले हुने हो त्यो पनि घोषणा भएको छैन । भनौ!! वार्ता विना निष्कर्ष अनिश्चितकालसम्मको अर्को सुचना नआएसम्मको लागि स्थगित भएको छ र वार्ता पछि पत्रकार सम्मेलनको आयोजना पनि भएन । (more…)

सर्वप्रथम यत्तिका दिनसम्म गायब रहेकोमा यो ब्लग हेर्नुहुने सबैंलाई मेरो तर्फ देखि ‘Sorry’ भन्दै धेरै धेरै धन्यबाद छ ! के गर्ने नेपालको महान चाड दशैं र कोरियली चाड ‘छुसक’ ले साह्रै चुस्यो ….. भन्छन् नि ‘दशै होइन दशा हो दशा’ हो त्यस्तै भयो यसपालीको दशैं र चुस्नु चुस्यो ‘छुसक’ लें पनि , तर के गर्ने ? भन्छन विचार नपुर्‍याए जे पनि हुन् सक्छ ,हो मैले पनि अलिकत विचार पुरार्‍याउन सकिन यसपाली खैंर ! जे हुन थियो भै सक्यो किन पछुताउनु । फेरी पनि मनको कुरा केहि समाचार , चुट्किला र अन्य सामाग्री लिएर आएको छु । एक दुई वटा स्तम्भ पनि थप्ने विचारमा छु, तर स्तम्भको बारेमा अहिले नभनौ । थपे पछि मात्र भनौला ! मैले आफैं आफ्नो ब्लग नहेरेको १ साता जति भयो, जे भएपनि तपाईहरुले हेर्नु भएको छ त्सको लागी धेरै धेरै धन्यबाद छ !! अनि शुभ दिपावलीको हार्दिक मंगलमय शुभकामना छ ।

आश्विन /१६ गतें/विजया दशमी/टिका,

नेपालीहरुको महान चाड बडा दशैंको अवसर पारेर कोरिया स्थित विभिन्न संघ सस्थाहरु द्वारा आन्याङमा आयोजना गरिएको ” दशैं र तिहार उत्सव ” हिजो अक्टुबर १ तारिख गरिएको थियो । बिभिन्न कार्यक्रम सहित आयोजना भएको सो ऊत्सवमा नेपालीहरुको साथैं कोरियनहरुको पनि सहभागिता थियो । त्यहाँका केहि झलक म तल भिडियोमा राखेको छु, हेर्नुहोला ।

(more…)

आश्विन/१४ गतें (कालरात्री),

नेपालीहरुको महान चाड बडा दशैंले घर-घरको दैलो टेकेको छ । प्रत्येक नेपालीहरुको मुखबाट मात्र दशैंको कुरा सुन्न सकिन्छ , स्वदेशमा होस् वा विदेशमा । कोरियाको प्रवासी भुमिमा रहेरपनि सकृय नेपालीहरुद्वारा सगंठित विभिन्न संघ-सस्थालें प्रत्येक वर्ष झैं यस वर्षपनि दशैं धुमधामले विभिन्न कार्यक्रम आयोजना गरी मनाउने भएको छ । दशैंको नवमीको दिन अक्टुबर १ तारिखमा आन्याङको प्रवासी मजदुर गृह (जन जिन सेन्टर)मा “दशैं र तिहार” उत्सव कोरिया स्थित बिभिन्न संघ-सस्थले आयोजना गरेको छ । त्यस्तै बडा दशैं र कोरियाली चाड “छुसक” को अवसर पारेर अक्टुबरकै ५ , ६ र ७ तारिख क्रमश: स्याङ्जा प्रदेशी युवा क्लबका “आँधी खोला साँझ” , मगर समाजका “रमाईलो सांस्कृतिक सौगात” र लमजुङ्ग परिवारका “मह अभिन्नदन” को आयोजना गर्ने भएको छ ।

विस्तृत जानकारी ( कार्यक्रमको समय, ठाँउ,कलाकारहरु, टिकट दर र सम्पर्क आदि)को लागी सम्बन्धित फोटोहरुमा क्लिक गर्नुहोस् ।

(more…)

आश्विन ११ गतें,

‘यसपाली त आमा, जमारा अलि धेरै राख्‍नुहोस् ।’ छिमेकको ठुली काकीलाई छोराहरुलें पठाएको पत्रमा मैले भुल्न नसक्ने एउटा वाक्य यो पनि थियो । हो , यसपाली साँच्चैनै जमारा अलि धेरै राख्‍नु पर्ने हुन्छ, किनकी काकीका सबै छोराहरु यसपाली घर आउने रे । १० वर्ष अघि जङ्गल पसेका जेठा छोरा , नेपाली सेनामा रहेका माईला र खाडी मुलुक काम गरिरहेका कान्छो छोरा सबै दशैमा घर आउने भएका छन् । दस वर्ष देखि एक-अर्कासँग नचाहेर पनि शत्रु बन्दै आएको दाजु-भाई यसपाली बिना कुनै रोकटोक, बिना कुनै डर त्रास, निश्चित भएर आमा बुबाको आशिक थाप्न घर आँउदै छन् । हतियार काँधमा बोकेर जङ्गल-जङ्गल चाहार्दै मृत्युको भयमा बाँचिरहेका माओवादी , कतिबेला एम्बुसमा पारिने हो भनि त्रासमा बँसिरहेका नेपाली सेना अहिलेको उधारै शान्तिमा भएपनि निश्चित छन् , धुक्क छन् ।

हो ! यसपालीको दशैंमा साँच्चै नयाँ जोश ,जाँगर नयाँ उमङ्ग छ । देशको कुना कुनामा दशैं छाएको छ । कसैलाई फुर्सद छैन । देशको कुना-कुनामा खसी, भेडा,च्याङ्ग्रा, टिका जमारा, सेल रोटीका मनमोहक सुगन्धले माहौल मादक र मनोरञ्जनपूर्ण बनाएको छ । गाँउ र शहरको कुना कुनामा रोटे पिङ्ग, लिङ्गे पिङ्गमा केटा केटी देखि लिएर बुढा पाकाहरु समेत देखिएका छन् । बजारै भरि नयाँ-नयाँ फेसनका लुगाफाटाहरु ‘दशैं Discount’ मा किनबेच गर्नेहरुको हातमा नेपाल राष्ट्र बैंकका नयाँ नोट, गल्ली गल्लिमा ” झण्डी बुर्जा”का खेलहरु , ठाँउ-ठाँउमा नयाँ नयाँ भाग्यशाली चिट्ठा उपहारका टिकटहरुको किनबेच , शहर देखि गाँउ जानेको भिड, गाँउfदेखि शहर आउँनेको घुईचो, व्यस्त सडकहरु….. प्रत्येक पाईला पाईलामा खुशीको सन्देश लिएर गाँउ-गाँउ पसेको छ दशैं, शहर-शहर पसेको छ दशैं । (more…)

आश्विन ९ गतें,

एकातिर देशमा दशैंको रमझम , पुरै देश दशैंको तैयारीमा तर अर्को तिर कस्तो अभाग्य, तीन दिन अघि शनिबार ‘घटस्थापना’को दिन ताप्लेजुङको घुन्साबाट वन तथा भू-संरक्षण राज्यमन्त्री गोपाल राई, नेपालका लागि फिनल्याण्डका कार्यबाहक राजदूत पाउली मस्टोनेन लगायत चौबीस जना सवार हेलिकप्टर सदरमुकाम फर्किने क्रममा श्री एयरवेजको हेलिकप्टर उडेको केही बेरपछि सम्पर्क विहिन भएको र आज दिउँसो सवा १ बजेतिर घुन्सादेखि एक माइल दक्षिण पश्चिमस्थित जंगलको खोँचमा दुर्घटनाग्रस्त अवस्थामा फेला परेको छ।
(more…)

आश्विन ८ गतें,

सर्वप्रथम विगत लगभग १ महिना देखि कंम्पनीमा लगातार कामको चाप बढेकोले ब्लगमा निरन्त्रता दिन नसकेको जानकारी गराउन चाहान्छु । प्रवासी भुमिमा पाइला टेकेको पनि ३ वर्ष पुरा हुन् लागेको र बस्ने मन हुँदा-हुँदै पनि स्वदेश फर्कनु पर्ने बाध्यता एउटा तितो सत्य हो । हामी नेपाली एक चोटी विदेश गएपछि स्वदेश फर्कने चाहाना सायदै कमैको होला भन्नेमा दुई मत छैन । मुखलें जे भनें पनि मनलें विदेशमै बसेर टन्न पैसा कमाउने र सकेसम्म उतै घरजाम गर्ने विचार धेरैको नहोला भन्न मिल्दैन , तर सबैमा यो कुरा लागु हुन्छ भन्ने पनि छैन ।

हामी नेपालीको यस्तो गर्नु बाध्यता पनि हो , तर यो बाध्यतामा हामी नेपाली आफ्नै कारणले गर्दा भएको हो । दु:ख कष्ट गरेर विदेश जान्छौ अलिकत पैसा कमाउँछौ , अलिकत सीप ज्ञान सिक्छौ र सोच्छौ “नेपाल जानें एउटा घर किन्ने ,एउटा राम्रो केटी हेरेर घरजाम गर्‍यो , बैंक ब्याँलेन्स , मोटर कार…….. आधा घर भाडामा दियो बस् त्यति भए हात मुख जोड्न पुगी हाल्छ ।” यहि नै सत्य हो ,…फेरी खोई त्यो विदेशमा सिकेको सीप ? त्यो दु:ख कष्ट ? आफ्नो घरमात्र सबथोक, देशको विकासको लागी केहि गर्नु पर्दैन । हामीले त दु:ख गर्‍यौ , अनि हाम्रो सन्ततिहरुलाई के नि ? उनिहरुलाई पनि फेरी उहि ‘विदेश’ , उहि दु:ख कष्ट, यहि सिकाउने ? होईन ! हामीहरुले यो चलन बढल्नु पर्छ , आखिर कहिलेसम्म हामी विदेश धाँउने , कति गर्ने अर्काको गुलामी ? त्यसैले हामीले यसबारे राम्ररी सोच्नु पर्छ । बस् आजलाई यत्ति भन्दै बडा दसैको फेरी पनि शुभकामना र यो राशिफलको फोटोहरु तल राख्दै छुँ । यो फोटो मलाई राम्रो लागेर मात्र राखेको हो ।

मेष राशि ^

वृष राशि ^

मिथुन राशि ^

बाँकि फोटो भित्र (more…)

आश्विन ६ गते,

सर्वप्रथम नेपालीहरुको महान चाड बडा दशै २०६३ सालको मेरोनेपालका सम्पुर्ण पाठकवर्गहरुमा हार्दिक मंगलमय शुभकामना व्यक्त गर्न चाहान्छु । आज घटस्थापना अर्थात ‘जमारा राख्‍ने दिन’ बिहान १०:३९ मिनेटको शुभ साईत पारेर नेपाल भरी जमारा राखिएको छ । शुभकामना कार्डको लागी Play मा क्लिक गर्नुस् ।

(more…)

आश्विन ५ गते,

आज धेरै दिन पछि ब्लग लेख्ने मौका पाएको छु । आज म तपाईहरुलाई एउटा नयाँ साइटको बारेमा बताउन् गैरहेको छु त्यो हो ‘मिबो’ (4 In 1) एउटा यस्तो साइट जसबाट तपाई एकै चोटी चार ओटा मेसेन्जर याहु , जिमेल, हटमेल र एओल-जब्बरमा लग इन भएर चाट गर्न सक्नुहुन्छ। त्यो पनि प्रोग्राम डाउनलोड नगरिकन् , हजुर प्रोग्राम डाउनलोड नगरिकन् । त्यसको लागी यहाँ क्लिक गर्नुहोस् ।

पचाँस भन्दा पनि बढि भाषामा भएको यो साइट युनिकोडमा पनि छिट्टै आउने प्रोसेसम छ । यसबाट धेरै फाइदाहरु पनि छ ति मेसेन्जरहरु डाउनलोड गर्दा कमप्युटरमा बढ्ने भार पनि कम हुने र कहिले काहि बाहिर साइबरमा गएर मेसेन्जर डाउनलोड गर्दा लाग्ने समयको पनि बचट हुने । फेरि यसलाई कोड बनाएर ब्लगमा पनि राख्न मिल्ने रहेछ जसले तपाईको ब्लगमा आउने पाठकहरुसँग चाट गर्न पनि मिल्ने र कति जनाले तपाईको ब्लग् हेरिरहेका छन् त्यो पनि थाहा हुने र मैले पनि आफ्नो ब्लगम राखेको छु , त्यसो भए ढिलो किन् लौ म त गए चाट गर्न तपाई पनि आउदै गर्नुस् । अनि यो साइट कस्तो लग्यो त ? कमेन्ट लेख्न नबिर्सनु होला ल !

भाद्र ३० गते,

हलिउड पॉप गायिका ब्रिटनी स्पीयर्सलाई नचिन्ने सायद यस संसारमा कमै होलान् । सन् १९९९ मा रिलिज एल्बम “बेबी वन मोर टाइम” र सन् २००० को “ऊप्स… आई डिड इट अगेन” नामक एल्बम लगायत यस्तैं अनेकौ पॉप गीतबाट चर्चामा आएकी ब्रिटनी स्पीयर्सलें अहिले मात्र लॉस एंजल्सको एउटा अस्पतालमा Sep/5 मंगलवारका दिन बिहान आफ्नो दोस्रो बच्चालाई जन्म दिएकी छिन् ।

आफ्नो सुन्दर शरीर र ‘विवाह’को विवादलें पनि अलिकत चर्चामा आएकी ब्रिटनी स्पीयर्सको लवको कुरा गर्नुपर्दा जापानको एक व्यापारी मासाहिको शिजावाको पनि नाम आउँछ जसले ब्रिटनी स्पीयर्सलाई एकतर्फी माया गर्थ्यो , जसले गर्दा अदालतले शिजावालाई ब्रिटनी स्पीयर्सदेखि ३ वर्षसम्म टाढा बस्ने आदेश दिएको थियो । विवाहको कुरा गर्दा २२ वर्षको उमेरमा सन् २००४ को जनवरीमा आफ्नैं एउटा साथी जेसन अलेक्जेन्डरसँग मात्र ५५ घण्टाको लागी विवाह भएको थियो र विवाह र छुटापत्रको खबर पनि लगभग एकै चोटी आएको थियो । त्यस भन्दा अगाडी अदाकारा शार जैक्सनसँग पनि विवाह भएको कुरा खुलेको थियो र २ जना छोरीहरुपनि भएको कुरा थियो । धेरै कुरामा विवादमा परेकी ब्रिटनीले को-को सँग माया गाँसिन, विवाह गरिन् कुनै लेखा जोखा छैन तर सन् २००४को जुन महिनामा डांसर केविन फेडरलिनसँग विवाह गरेर यो दोस्रो बच्चा भएको हो ।

ब्रिटनी स्पीयर्स आफ्नो श्रीमानसँग ^

ब्रिटनी स्पीयर्सको एक चर्चित म्युजिक भिडियो ” TOXIC ” Click Here (more…)