काठमाण्डौ/भाद्र २९,

माओवादीहरूले नेपाली सेनाले वीरगञ्ज भएर भारतबाट हात-हतियार भित्र्याएको आरोप लगाउँदै बुधबार देशका विभिन्न भागमा घण्टौंसम्म विरोध प्रदर्शन गर्दै यातायात अवरुद्ध गरे। हातहतियार बोकेर आएका भनिएका सैनिक सवारीहरू मंगलबार साँझ धादिङको गजुरीस्थित संग्राम सार्दुल गुल्ममा राखेर राता-रात खाली गरेको आरोप माओवादीले लगाएका छन् । युएनको शान्ति सेनाले प्रयोग गर्ने जस्तो देखिने ति सवारी साधनहरु सेतो रङ्ग थिए । अहिलेको यो घटनाले वार्तामा केहि असर पुर्‍याएको छ । माओवादीले भारत र नेपाल सरकार दुबैमा शंका गरेको र सो हतियार काठमाण्डौ भित्राईने शंकामा ठाँउ-ठाँउ जाँच गरेको छ । टायर बालेर काठमाण्डौ लगायत प्रमुख शहरहरुमा विरोध प्रदर्शन गरि राजमार्गका ठाउँठाउँमा यातायात अवरुद्ध गरिंदा लाखौं मानिसहरूलाई असर पर्नेगरी घण्टौसम्म सामान्य जनजीवन अस्तव्यस्त भएको थियो ।

शंकाको मुख्य विषय : धादिङको सार्दुल गुल्ममा राखिएका वाहन (more…)

काठमाण्डौं/भाद्र २३ ,

आज विविसी नेपाली सेवाको कार्यक्रममा संसारका विभिन्न ठाँउहरुबाट नेपालीहरुले सोधिएका प्रश्नको उत्तर माओवादी अध्यक्ष प्रचण्डले दिनुभएको थियो । सो कार्यक्रम नेपाली समयानुसार आज साँझ ९:०० बजे देखि १०:०० बजे सम्म देशको बिभिन्न रेडियो FM ले प्रत्यक्ष प्रसारण गरेको थियो र कान्तिपुर टेलिभिजनले पनि प्रसारण गरेको थियो । रेडियो सगरमाथाको त्यस कार्यक्रममा नेपालीहरुले सोधिएका प्रश्न र प्रचण्डले दिनुभएको उत्तर सुन्नलाई यहाँ क्लिक गर्नुहोस् ।

Update//
मेरो नेपालका पाठकहररलाई पुन: यो पोष्टलाई अपडेट गरी स्मरण दिलाउन चाहान्छु कि आज विविसी नेपाली सेवाबाट पाठकहरुले पठाएको एंव सोधिएको प्रश्नको जवाफ माओवादी अध्यक्ष प्रचण्डले प्रत्यक्ष उत्तर दिने छन् । उक्त कार्यक्रम नियमित नेपाली समयानुसार साँझ ९:०० देखि १०:०० बजेसम्म (आज आधा घण्टालाई बढाएर ) सुन्न सकिने छ । सुन्न नबिर्सनुहोला ।

भाद्र २ गतें,

बीबीसी नेपाली सेवाले सेप्टेम्बर आठ तारीख अर्थात भाद्र २३ गते शुक्रबार एक विशेष कार्यक्रममा संसार भरिबाट मानिसहरुले टेलिफोन, इ-मेल र पत्र मार्फत सोधेका र संचार सुविधा नभएका स्थानबाट मानिसहरुले रेकर्ड गराइ सोधेका प्रश्नहरुको, माओवादी विद्रोहीका अध्यक्ष प्रचण्डले काठमाडौंबाट प्रत्यक्ष जवाफ दिनेछन्। पत्र प्राप्त हुन केही समय लाग्ने भएकोले, तपाईं पनि प्रचण्डलाई पत्र मार्फत एउटा प्रश्न सोध्न चाहनु हुन्छ भने सेप्टेम्बर दुई तारीख अर्थात भाद्र १७ गते शनिबारसम्ममा बीबीसी नेपाली सेवामा प्राप्त हुने गरी निम्न ठेगानामा पठाउनु होला -

बीबीसी नेपाली सेवा
पोष्ट बक्स नंबर ६७२
काठमाडौं
नेपाल।

[Note: कृपया खाममा “प्रचण्डलाई प्रश्न” लेख्न नभुल्नु होला । इ-मेलबाट प्रश्न पठाउन चाहनेले आफ्नो एउटा प्रश्न, पूरा नाम र ठेगाना सहित यो इ-मेल ठेगाना: nepali.letters@bbc.co.uk मा पठाउनुहोला। टेलिफोनबाट प्रश्न सोध्न चाहाने स्रोताहरुले सेप्टेम्बर सात तारिख, बिहिबार, नेपाली समय अनुसार साँझ छदेखि आठ बजेसम्म टेलिफोन नम्बर ४४३-३०५० वा ४४३-३०५६ मा सम्पर्क गर्नुहोला । ]

बिबिसी

त्यस्तैं प्रधानमन्त्री गिरिजाप्रसाद कोइरालाले हतियार व्यवस्थापन नभएसम्म माओवादीलाई सरकारमा सामेल नगरिने बताएका छन् भने माओवादीका अध्यक्ष प्रचण्डले पनि “हामी सत्तामा छिटै पुग्छौं या पुग्दैनौं मलाई थाहा छैन र सत्तामा जान हतार पनि छैन। राज्यसत्तामा केहि संरचनागत हेरफेर भएन भने सत्तामा जांदैनौं पनि, बरू बाहिरै बसेर सम्बिधानसभासम्म हामी सहयोग गर्ने कोशिश गरौंला।” भनेका छन् । आफ्नो प्रतिनिधित्व नभएको बर्तमान संसदको विघटन एवम् अन्तरिम सम्बिधान मार्फत आफू सहितको अन्तरिम संसद गठन, माओवादीहरूको पुरानै माग हो। राजतन्त्रको अन्त्य र गणतन्त्रको स्थापनाको कुरा त अर्को बर्ष गर्ने भनिएको सम्बिधान सभाको चुनावले तय गर्नेछ तर उक्त चुनाव गर्न माओवादी सहितको अन्तरिम सरकारको गठनको कुरा नै अहिले अगाडी बढ्न सकेको छैन। हतियार सहितका माओवादीहरूलाई सरकारमा सामेल नगरिने दृढता प्रधानमन्त्री कोइरालाले दोहोर्याएका छन्।

भाद्र २२,

तीन देशको प्रधानमन्त्रीहरुको बैठक थियो । अमेरिका , जापान अनि नेपाल ।
अमेरिकाका प्रधानमन्त्री भन्नुहुनछ : हाम्रो देशको मान्छेहरुले आकाश छुने जहाज बनाएका छन् ।
नेपाल र जापानका प्रधानमन्त्री एकै साथ(अच्चम मान्दै) : आकाश छुने जहाज !!
अमेरिकाका प्रधानमन्त्री : होइन-होइन अलि तल सम्म मात्र ।
जापानका प्रधानमन्त्री : हाम्रो देशका मान्छेहरु उफ्रेर चन्द्रमा छुन् सक्छन् ।
नेपाल र अमेरिकाका प्रधानमन्त्री (अच्चम मान्दै): चन्द्रमा छुन् सक्छन् !!??
जापानका प्रधानमन्त्री : होइन-होइन अलि तल सम्म मात्र । अब पालो नेपाली प्रधानमन्त्रीको (के भनौ- के भनौ भन्ने सोच्दा-सोच्दै) हाम्रो देशको मान्छेहरुले नाकले खाना खान्छन् ।
जापानका प्रधानमन्त्री अनि अमेरिकाका प्रधानमन्त्री (अच्चम मान्दै): नाकबाट !!??
नेपाल प्रधानमन्त्री : होइन-होइन अलि तल बाट ।

***********************************

एउटा केटा अमेरिका गएपछि एउटा यस्तो दवाई पाएछ, कि त्यो दवाई खाँएभनें मान्छेको उमेर घटेर बुढो पनि भर्खरको देखिने रहेछ । उसले त्यो दवाई किनेर आँफुले पनि खायो र अलिकत नेपालमा आफ्नो आमालाई पनि पठाई दिएछ । आमाले त्यो दवाई खाएर भर्खरको तरुनी भएछन् । (more…)

भाद्र १८,

ब्रिटेनको एक टीवी चैनल ‘चैनल फोर’लें अमरीकाको राष्ट्रपति जॉर्ज बुशको हत्या गरिएको एउटा टीवी ड्रामा बनाएको छ । टीवी ड्रामाको नाम ‘डेथ ऑफ ए प्रेसीडेन्ट’ हो । यस ड्रामामा राष्ट्रपति जॉर्ज बुशलाई गोली हानेर हत्या गरिएको देखाइएको छ । आतंकवाद विरुद्ध युद्धको प्रभावलाई देखाउन बनाइएको उक्त ड्रामा ९० मिनेटको छ र सन् २००७मा शिकागो भ्रमणको बेला हत्या गरिएको देखाइएको छ । आगामी महिना टोरन्टोमा यस फिल्मको ‘प्रीमियर-सो’ हुनेछ र त्यस पछि ब्रिटेनकै अर्को चैनल ‘चैनल मोर फोर’मा पनि देखाइने छ, तर टेक्ससमा रिपब्लिकन पार्टीले यस ड्रामाको कडा विरोध गरेको छ । यस ड्रामाको कारणले राष्ट्रपतिको हत्याको प्रयास हुन् सक्ने पनि सम्भावना बताइएको छ । राष्ट्रपतिको विरुद्ध भावना बोकेका मानिसहरुको कमि नरहेको र यस ड्रामाले तिनीहरुलाई प्रोत्साहन दिने तत्व हुन् सक्ने बताउदै यस ड्रामाको प्रसारणमा रोक लगाइने भनिएको छ , तर ‘चैनल मोर फोर’का प्रमुख पिटर डेल यो ड्रामा ‘डेथ ऑफ ए प्रेसीडेन्ट’को पुरा भाग हेरेपछि मात्र यसलाई एउटा राम्रो कामको नाम दिइने कुरामा विश्वास गर्नुहुन्छ । हामीले उक्त ड्रामा हेर्ने मौका त पाउँछौ/पाउँदैनौ तर यो त हेर्न सकिन्छ नि !! (more…)

भाद्र १८,

अमेरिका नेपाली सोसाइटीले हिजो दिउँसो ‘मेरो संसार’का ब्लगर उमेशलाई एउटा कार्यक्रम गरि कदर पत्र र नगद ५१ हजारले पुरस्कृत गरेको थियो । जनआन्दोलन-२ लाई सहासिक रुपमा इन्टरनेटका माध्यमद्वारा विश्वभरि अनलाइन पत्रिकाको रुपमा विश्वलाई प्रत्यक्ष प्रसारण गरेझैं लागिपरेका उमेशले अनलाइन पत्रिकालाई देशले अझै मान्यता नदिएकोमा रोष प्रकट गर्दै ‘मेरोसंसार’ले पाएको सम्मान सिंगो नेपाली ब्लगरहरुका लागि सम्मान हो भन्नुहुन्छ । यो फोटो ‘मेरो संसार’ बाट ..

मेरो नेपालको तर्फ देखि पनि वहाँलाई धेरै-धेरै बाधाई छ ।
(more…)

काठमाण्डौ/भाद्र १७,

नेपाली सेनाको एक टुकडीद्वारा नेकपा माओवादी अध्यक्ष प्रचण्ड, डा. बाबुराम भट्टराई लगायत अन्य वरिष्ठ नेताको हत्या प्रयास भएको माओवादी प्रवक्ता कृष्णबहादुर महराले शुक्रबार राजधानीको वसन्तपुरमा आयोजित नेवाः मुक्ति मोर्चाको सम्मेलनलाई सम्बोधन गर्दै रहस्य खुलासा गरेका हुन् र उक्त योजनामा अमेरिकाको सहयोग रहेको पनि बताउनु भयो । वरिष्ठ नेताको हत्या गरी वार्ता असफल पार्ने योजनामा खटिएको सेनाको कमान्डो टोलीलाई माओवादीले तत्काल कव्जामा लिइएको र उनीहरूले सो योजना स्वीकारेको दाबी गर्दै केही दिनमै पक्राउ परेका सेनालाई सार्वजनिक गर्ने तर उक्त योजनामा खटिएका सेनाहरू कुन दर्जाका हुन् भन्ने विषयमा केही बताउनु भएन। जन-आन्दोलनको सफलतापछि वार्ता विफल बनाउने प्रयास एंव देशमा बिभिन्न किसिमको लुटपाट, डकैती र अन्य अपराधिक घटनाहरु भएकोले यसको सम्बन्ध दरबार सँग रहेको पनि अनुमान गरिएको छ भनें सो सम्बन्धमा गोप्य रुपमा जाँचबुझ पनि गरिएको छ भन्ने कुरा बुझिएको छ । (more…)

१३ भाद्र,

गत आईतबार भाद्र ११ गते नेपालबाट इन्टरनेशनल लेभर अर्गनाइजेसन (ILO) को १४औं रुसियाली वैठकमा भाग लिनआइपुग्नु भएका श्रम तथा यातायात ब्यवस्था मन्त्री तथा सरकार माओवादी वार्ता टोलीका सदस्य रमेश लेखकको कोरिया भ्रमणको अवसर पारेर प्रवासी नेपाली पत्रकार संघ दक्षिण कोरियाका अध्यक्ष डम्बर सुब्बाले कार्यसमितलाई पूर्णता प्रदान गर्दै कार्यबिभाजन पनि गरेको थियो । सो कार्यसमितिमा उपाध्यक्षमा माधवी भट्ट, सचिव भूपेन्द्र आचार्य, सहसचिव केशव खड्का, कोषाध्यक्ष बोधराज रेग्मी रहनु भएको छ भने सदस्यहरुमा म लगायत मिनोद मोक्तान र गणेशबहादुर लिम्बु हुनुहुन्छ । संघको संरक्षकमा भनें नेपाली सम्पर्क समिति दक्षिण कोरियाका अध्यक्ष बमप्रसाद लावतीलाई चयन गरिएको छ । हाम्रो कोरियन भाषा सहित नेपाली अनि विभिन्न भाषामा वेबसाइट पनि छ ।

साथै आन्याङ सेल्टरमा माननिय मन्त्री ज्युसँग अन्तक्रिया कार्यक्रम पनि गरेको थियो । नेपाल सम्पर्क समिती र प्रवासी नेपाली पत्रकार संघले आयोजना गरेको उक्त कार्यक्रममा माननिय मन्त्री लगायत वहाँ सँगै आउनु भएका श्रम सचिवज्यु र कोरिया स्थित बिभिन्न संघ सस्थाका सदस्यहरुले पनि आ-आफ्नो मन्तव्य व्यक्त गरेको थिए । मन्तव्यको भिडियो लागी यहाँ क्लिक गर्नुहोस् । कार्यक्रमको अन्तमा अन्तक्रिया कार्यक्रम भएको थियो । अन्तक्रिया कार्यक्रममा नेपाली राजदुतावास राख्ने, ईपियस सिस्टम लागु गर्ने सम्बन्धि र अन्य प्रश्नहरुको अत्यन्तै सहज तरिकाले उत्तर दिदैं विगतमा आएका मन्त्रीहरुले जस्तैं आँफुले उक्त कार्य गर्न वाचा नगर्ने तर आँफुले सक्दो प्रयास गर्ने र गर्न नसकेमा माफी समेत मागेका थिए । समयको अभावले सबैले प्रश्न राख्न नपाएको र केहि भएमा यहि भाद्र महिनाको २१ गते सिओलमा हुने एशियन मुलुकहरुका राजनैतिक पार्टीका नेताहरुको भेलामा भाग लिन पूर्व प्रधानमन्त्री तथा नेपाली कांग्रेस प्रजातान्त्रिकका सभापति शेरबहादर देउवा, नेकपा एमालेका महासचिव माधवकुमार नेपाल र नेपाली कांग्रेसका महामन्त्री रामचन्द्र पौड्याल आउनु हुन्छ वहाँहरुलाई राख्‍दा पनि हुन्छ भन्नु भएको थियो ।

नेपाली सम्पर्क समिति अध्यक्ष वमप्रसाद लावतीको सभापतित्वमा सम्पन्न उक्त कार्यक्रमको संचालन नेसस सचिव केशव खड्काले गर्नुभएको थियो भने सहसचिव माधवी भट्टले स्वागत मन्तव्य गर्नुभएको थियो ।

[दिनभरीको कार्य व्यस्तताले गर्दा ब्लग लेख्‍न ढिला भयो।]

भाद्र ११,

गृह जिल्ला दाङवाटै गायिका एवं समाचार वाचिका कोमल ओलीको ‘पोइल जान पाम्’ नामक गीति एल्वम प्रतिवन्ध लगाउन माग गर्दै महिला पत्रकार मंच दाङले बुधबार एक प्रेस विज्ञप्ति जारी गरी उक्त एल्वम सार्वजनिक रुपमा वहिष्कार गर्न आम जनसमुदायमा अपिल गरेको थियो । यो आवाज उठेपछि उनको एल्वम सर्बाधिक विवादमा फ़सेको छ । चाड पर्वलाई हतियार बनाएर पैसाका लागि महिलाहरुलाई होच्याउने, अपहेलित गर्ने, आत्मसम्मान र स्वाभिमानमा चोट पुराउने तथा किशोरीहरुको बालमस्तिष्कमा विकृत सन्देश भरिदिने गीतलाई प्रतिवन्ध लगाउन जोडदार माग भएको थियो । महिला अस्मितामाथि प्रहार गर्ने गीतको निन्दा गर्दै उक्त गीतको प्रचारप्रसार, विक्री वितरण नगरीदिनुहुन आम जनसमुदाय, संचार संस्था, व्यापारी लगायत सबैमा मंचले अनुरोध गरेको छ ।

तीज आउनुअघि नै तीजगीतका नाममा बजारमा आएको त्यो एउटा उत्ताउलो गीतको शब्द रत्यौलीको जस्तो छ, जुन खुला समाजले पचाउन गाह्रो पर्छ । कोमल वलीको कोकिल स्वरले भिजेको त्यो गीतले तीजको मौलिक पहिचानमाथि घोडा चढेको छ, उसले तीजगीतमार्फ् भगवान् शिवसँग ‘यसपालि त पोइला जान पाम्’ भनेर रोइकराइ गरेकी छ । गीतमा जसरी पनि यसपालि त पोइला जान पाऊँ भन्ने शब्दलाई दोहोर्‍याई-तेहेर्‍याई पाम् पाम् पाम् भनेर थपडी मार्दै प्रस्तुत गरिएको छ । फुर्सद डट कम बाट लिएको यो ‘पोइल जान पाम्’ भन्ने भिडियो हेर्नलाई भित्र आउनुहोला । (more…)

भाद्र ११,

‘डायनासोर’ भन्न साथ एक विशाल जनावर भन्ने बुझिन्छ जुन वैज्ञानिकहरुको खोज अनुसार आज भन्दा ६, ७ करोड वर्ष अगाडी सम्म पृथ्वीमा रहेको पुष्टी गरिएको छ । वैज्ञानिकहरुको अनुसन्धान अनुसार अरबौ वर्ष अगाडी सौर्यमण्डलमा कुनै उल्का पिंडको पृथ्वीसँग ठोकिएर डायनासोर यति ठुलो भएको अनुमान गरिएको छ । त्यस्तै उल्का पिंड पछि पनि पृथ्वीसँग ठोकिएको थियो जसले डायनासोर लोप भएको पनि अनुमान गरिएको छ । १३ करोड वर्ष अगाडी डायनासोर खाने त्यस्तै किसिमको अर्को बिशान जनावर ‘सिताकोरोस’पनि भएको वैज्ञानिकहरुले चिनमा पाएको डायनासोरको अवशेषबाटको परिक्षणबाट अनुमान गर्छन् । अमरीकाको वैज्ञानिकहरुको खोज अनुसार डायनासोर जस्तो बिशाल जनावर पनि उड्ने कुरा पनि अनुमान गरिएको र आफ्नो बिशाल पखेटाले एउटा रुख देखि अर्कोमा जाँदा उड्ने अभ्यास भएको अनुमान वैज्ञानिकहरु गर्छन् । बिबिसी बाट पाएको डायनासोरको खाने , पिउने, बस्ने वा अन्य कृयाकलापको भिडियो तल मैले तीन भागमा टुक्राएर राखेको छु हेर्नुहोला….

भिडियो भाग १ :

बाँकि भित्र (more…)

काठमाडौ/८ भाद्र,

कुनैं हिन्दी फिल्ममा सजिलै सँग जेल तोडेर ,गार्डहरुलाई पिटेर वा अन्य केहि गरी कैदीहरु भागेको प्राय: देख्‍न सकिन्छ तर वास्तविक जिवनमा पनि यस्तो घटना भएको छ । हिजो कपिलवस्तु कारागारबाट राति १५ फिटको सुरुङ्ग खनेर ५८ जना कैदी मध्ये ६ जना कैदी फरार भएका छन् । आज बिहान कारागारका कर्मचारीहरुले ढोका खोलेर हेर्दा मात्र यो कुरा थाहा भएको थियो । २५ कर्मचारीहरु भएको कारागारमा यत्रो सुरुङ्ग खन्दा पनि थाहा नपाउनुमा कारागारका कर्मचारीको पनि मिलोमतो भएको शंङ्का जो कोहिले पनि गर्न सक्छ । उक्त सुरुङ्ग खन्न भित्र बाट मात्र हो वा बाहिरबाट पनि खनिएको थियो, उक्त कुरा खुल्न आएको छैन । फरार हुनेमा टेकबहादुर थापा, अतिश राई, आइते परियार, नारायण नेपाली, दिनेश विक र सुर्य परियार रहेका छन् भनें ५८ जना कैदी मध्ये बाँकि रहेको ५२ जनालाई नभागेको अनुशासित भन्दैं पुरस्कार प्रदान गरिएको थियो र कारागारबाट भागेको कैदीको खोजी तीब्र बनाइएको छ।

भाद्र ६,

सर्वप्रथम ३, ४ दिन देखि व्यक्तिगत समस्याले ब्लग लेख्‍न पाएन , त्यो कथा म सकेसम्म फुर्सदमा पछि लेखौला , आज म तपाईहरुलाई देखाउदै छु “भैसी जात्रा” । अब भन्नुहोला यो ‘गाई जात्रा’ त सुनेको थिए तर यो ‘भैसी जात्रा’ भनेको के नि ?? त्यो जान्नलाई हेर्नुस् न, यसपालीको “भैसी जात्रा” ।

भैसी जात्रा -१

बाँकि भित्र छ …… (more…)

चीन/१८ अगस्त,

छिमेकी राष्ट्र चीनको शांघाई विमानस्थलमा हिजो बिहिबार एउटा महिलालाई १.४४ किलोग्राम हिरोइन (लागु पदार्थ) सहित पुलिसले पक्राउ गरेको छ । चीनको एउटा दैनिक पत्रिका ‘चाइना डेली’ अनुसार बुहानमा बसोबास गर्ने ४२ वर्षिय वांग झिक्विनले आफ्नो सामानको एउटा बक्समा १५ वटा पेन्टी (underwear) भित्र १.४४ कि.ग्रा.हिरोइन लुकाएर लैजान लाग्दा पक्रेको थियो । एक गुप्तचरको द्वारा पाएको खबरको भरमा उक्त महिलालाई पक्रिएको थियो भने हिरोइन लुकाएको सबै पेन्टी हिरोइनले भिजेको थियो । महिलालाई अदालतमा उभ्याइएपछि महिलाले त्यो सामान आफ्नो नरहेको र कसैले आँफुलाई फसाउने षढयन्त्र गरेको हो, बाताएकी छिन् भनें उक्त महिला दोषी ठहरिएमा चीनको कानुन अनुसार मृत्युदण्ड दिईने कुरा पनि ‘चाइना डेली’ खुलासा गरेको छ ।

श्रावण २९,

कुनै जमानामा (आधुनिक वा पुरानो) एक गरिब किसान थियो । दिनभरी काम गरी बेलुका खाने जसो-तसो पुग्ने अलिकत जमिन थियो ऊँ सँग । सधै सुत्ने बेलामा सोच्ने गर्थ्यो ‘ म सँग पनि धेरै जग्गा जमिन हुन्थ्यो भने म पनि निकै सुखी मानिस हुने थियो होला ।’ यही कल्पनामा उँ दिन-रात कडा मेहनत गर्थ्यो, धेरै पैसा कमाई जमिन किन्नलाई । अन्तमा कुनै एउटा साथिबाट थाहा पायो कि कतै तराईको ठाँउमा जग्गा अतिनै सस्तो छ रे। त्यहाँको जग्गा दिनगन्तीको हिसाबमा बिक्री हुँदो रहेछ । अर्थात तिर्नु पर्ने पैसा तिरेर दिनभरीमा जति हिड्न सक्यो त्यति जमिन आफ्नो । बस् के थियो चाँहिएको पैसा पोका पारी श्रीमतिलाई लिएर हिड्यो जग्गा दिनगन्तीमा किन्नलाई । मोल-मोलाई भएपछि एउटा ठाँउमा चिन्ह लागाई हिड्न शुरू गर्‍यो , बिहानीको सुर्यको झुल्का सँग र सुर्य अस्ताउनु भन्दा अगाडी आँफुलाई चाहिने ठाँउ हिडेर चिन्ह लागाई त्यही शुरुमा लगाएको चिन्हसम्म आईपुग्नु पर्ने सर्त पनि भयो र त्यो ठाँउसम्ममा नआएमा पैसापनि जाने र जग्गा पनि नपाउने कुराको पनि तय भयो । (more…)

श्रावण २६,

[सानो छँदा एक वाक्य पढेको थिए, नेपाल शब्दको पुर्ण रुप भनेर :
N - Never
E - ends
P - peace
A - and
L- love
अर्थात ‘नेपालमा शान्ति र मायाको कहिल्यै अन्त हुदैन ।’ आशा गरौ यो पंक्ति फेरी सत्य भएर आओस् ।]

नयाँ नेपालका तीन वर्तमान महाशक्तिशाली पार्टी भनौ वा मानिस भनौ दृष्य वा अदृष्य मन्त्री, माओवादी र राजा हुन् । वर्तमान नेपाललाई बनाउन र बिगार्नमा यि महासयहरुको ठुलो योगदान छ । अहिले देशमा अशान्ति, लुटमार ,मारकाट, हडताल,जुलुस, बन्द,धर्ना वा छोटकरीमा एउटा देशलाई विकासोन्मुखको हरेक पाइलाहरुको अवरोध पुर्‍याउनमा कुनै न कुनै रुपमा हात रहेको छ । हरेकले कुनै पनि बेला नेपाललाई कुन् खोल्सामा लगेर फाँल्ने हो अनुमान गर्न सकिन्न। कसैको भर छैन, बस् मौकाको मात्र कमी छ, आफ्नो हातमा स्टेरिङ्ग आउन मात्र बाँकि छ। सबैलाई इन्डोनेशियाको भुकम्प झै आ-आफ्नो अपमानको बदलाको भावना फुटाउन मात्र बाँकि छ ।

भित्र भित्रै ठुलो शाक्ति संचय गरिरहेको र बाहिर अदृष्य रुपमा देशमा तहल्का मच्चाउनेहरु को के भर ? ‘आज मेरो हातमा पावर छ कसैलाई कुर्सीमा बसाल्छु, कसैको खुट्टा तानी कठघरामा उभ्याउछु, दोष मेरो पनि छ के थाहा भोली मेरोपनि त्यही हालत हुने हो कि ?’ भन्ने सोच बसिसकेको छ । मेरो बिचारमा त सबैलाई एक-एक गरि सबैलाई कानुनको कुर्सीमा उभ्याएर सोध्नु पर्छ,’ कसले देशलाई खोक्रो बनायो ? कसले जन्मायो माओवादी ? कसले बनायो नेपाली जनतालाई जन्मनु भन्दा अगाडी हजारौको ऋणी ? ‘ त्यति मात्र हैन धेरै कुराहरु छन् सोध्नु पर्ने । भोलि यदि केहि गरी राजा वा माओवादीको हातमा सरकार आयो भने (सकेसम्म नआउला) भोली गिरिजालाई कठघरामा उभ्याइनेछ , प्रश्न त के हो सोध्नलाई सबैलाई थाहा नै छ । अब मानौ माओवादीको अहिलेको अवस्था नभई एक आतंककारी घोषित हुन्थ्यो भने के हुन्थ्यो ? अहिले पो आफ्नो दममा कसैलाई औलामा नचाँएर जसो तसो जडा गाड्न सफल भयो । अझै पनि गाह्रो छ माओवादीलाई , केहि गरि सत्तामा आईहाले पनि के नेपाली जनताको छातीमा पाइला राखेकोलाई सरकार मान्लान् त ?? ल ठिकै छ बाहिरी मनले माने पनि के नेपाली जनताले भित्री मनले स्वीकार्ला ? सोचनिय छ । कसैले मान्लान् कुरा भिन्दै छ तर के त्यो नेपाली बाँउले मान्ला जसको उल्टो आँफैले माओवादीकै कारण आफ्नो छोराको रक्ताम्य शरिरलाई आगो दियो ? बाँउ मारेको छोराले त झन् पक्कै पनि मान्दैन होला । राजाले त पाउनु पर्ने धेरै कुरा पाई सक्यो तर पनि अझै अपुग छ र पुर्‍याउन पनि सकिदैन । (more…)