12th August,

बिहान ठिक साढे सात बजे फोनको आर्लम बजेपछि म निन्द्रामै आर्लम बन्द गरेर एकछिन पल्टिरहन्छु र फेरी निन्द्राले समात्‍न खोजेपछि फेरी सात बजेर तेत्तिस मिनटको आर्लम बज्छ, म विवश भएर उठि आफ्नो नित्य कर्म भ्याएर कामको ड्रेस लगाई नास्ता गरी कम्पनीमा पुग्छु । काम शुरु हुन्छ । दैनिक बढि रहेको गर्मीमा १०-१२ किलोग्रामको फलाम उठाउदै ३५-४० सेकेन्डको अन्तरालमा मेशिनमा हाल्दै-निकाल्दै , बिच-बिचमा नाप-तौल पनि गर्दै घाटी सुक्ने गरी लगातार चार घण्टा काम गरेपछि बल्ल-तल्ल खाना खाने समय आउछ । लामो साँस फेर्दै खाना खाएको १ घण्टा पछि फेरी उहि काम , तातो वातावरण त्यसमाथि पनि मेशिनको फलाम काँटेको बाफ, पुरै शरिरमा पानीको धारा, त्यो गर्मीमा चिसो पानी, अनि धेरै चिसो पानी खाएपछि घाटीको पनि छुट्टी, यस्तै-यस्तै कामले आठ घण्टाको काम पछि ओभर टाइम छ भने फेरी काम, होइन भने हल्का खाना खाएर बल्ल आयो पालो कमप्युटरको , हल्का समाचार हेरे पछि अगाडी मेल चेक गर्छु अनि ब्लग र त्यसपछि गेम खेली बस्छु ।

कोरियाको ठिक बाह्र बजे राती bfbs मा समाचार सुन्दै गेम खेल्छु, खेल्दै जाँदा कति बज्छ थाहा छैन १-२ र कहिले त ३ पनि बज्छ । त्यसपछि सुत्‍नु पर्‍यो भन्ने सोचेर बिस्तरा तिर लाग्छु, आर्लम चेक गर्छु अनि टेलिभिजन खोलेर कुनै मनपर्ने सिरियल वा फिल्म आयो भने हेर्छु , नभए बन्द गरि सुत्छु । फेरी सपनातिर हराउछु , तर सपनाको मध्यान्तर नहुदै फोनको आर्लम बज्छ । गएको तीन दिन अगाडी कम्पनीमा काम अलि व्यस्त, अत्याधिक गर्मी र त्यो गर्मीमा चिसो पानी खाएर मेरो घाटी साह्रै दुखेर अलि बिसन्चो भएर आज दश हजार कोरियन वनको दवाई खाईरहेको छु । त्यसैले गेम पनि खेल्न मन लागेन र ब्लग पनि चलाएन । शनिवार र आइतवारमा अलि-अलि अमृत पनि खानै पर्‍यो । झन् साथिहरु सँग हिजो नेपालबाट आमाले पठाउनु भएको स्याँउको ब्रान्डी र खसीको सुकुटीको आनन्दले आज अलि पिरेको छ । सायद भोली बाट म फेरी आफ्नै गतिमा भाग्ने कोशिस गर्ने छु ।

नेपाल बाट पैसा कमाउन आएको म यो कम्पनीमा पैसा त कमाइएन तर कम्पनीले बुढो मात्र बनायो । बस कोरिया आएपछि यस्तै छ मेरो दैनिकी एउटा कार्बन कपि झै ।

दुबई/ श्रावण २३,

यो हो विश्वको सबैभन्दा ठुलो कृत्रिम (मानव निर्मित) टापु ‘पालम जुमैराह’ हेर्दा कुनै समुन्द्रि जिव-जन्तु र हत्केला जस्तो देखिने टापुको निर्माण कार्य पुरा हुन् लागेको छ । खाडी मुलुक दुबईको समुन्द्रमा बनेको उक्त टापुको निर्माण कार्य सन् २००१ जुन महिनाको शुरुवातमा भएको थियो र आउँदो २००९ सम्ममा पुर्ण रुपले पुरा हुने छ । लगभग चौध हजार श्रमिकहरुको दिन-रातको परिश्रममा बनेको ‘पालम जुमैराह’ टापुमा १४ बिलियन यु यस डलरको लगानी थियो र आउँदो नवम्बर महिनामा चार हजार आवासहरु खुल्ला गरिने भएको छ साथैं पुर्ण निर्माण भएपछि लगभग सन् २०१० तिर ६० हजार आवासहरु ३२ होटलहरु र दर्जनौ पसल खुल्ने छ ।

१७ वटा औला भएको हत्केला जस्तो देखिने टापुको प्रत्येक औलाहरुको बिच-बिचमा पानी रहेको छ भने पुरा टापुको लम्बाई १४ कि.मी. र चौडाई ८.५ कि.मी. रहेको छ र यस टापुमा आउन-जानलाई हाल एउटा हाईवे मात्र रहेको र पछि थप मार्गहरु बनाइने छ । आधुनिक सुविधा युक्त उक्त शहरिया टापु हेर्दामा धेरै आकार सँग मिल्छ , १७ औला भएको हत्केला जस्तो देखिने ‘पालम जुमैराह’ टापु दुबईको एउटा पर्यटकिय क्षेत्रको रुपमा विस्तार हुने छ र दैनिक २० हजार पर्यटक आउने अनुमा गरिएको छ भनें यसले भविष्यमा हंगकंग , सिंङ्गापुरलाई पछि पार्दै ‘लस भेगास’लाई पनि उछिन्ने अनुमान गरिएको छ ।बाँकि फोटो भित्र पनि छ > (more…)

मुटु कमजोर भएकाहरुले प्लिज नखेल्नुहोला



मेरोनेपालको प्रस्तुती
खेल्ने तरिका :> Game Play गरेर skip गरेपछि Helpमा click गर्नुहोला ।

अन्य Game हरुपनि राख्ने कोशिस गर्दै छु ।

6th August,

आज अगस्त महिनाको पहिलो आइतबार अर्थात ‘फ्रेन्डसिप-डे’ ‘मित्रता दिवस’ संसार भरी अतिनै लोगप्रिय दिवसको रुपमा मनाइन्छ । यसपल्ट यो ‘फ्रेन्डसिप-डे’ आज अगस्त महिनाको ६ तारिखमा परेको छ । संसारभरिनै यस दिनमा ‘फ्रेन्डसिप-डे’ कार्ड, गिफ्तहरु र केहि खाने कुराहरु जस्तै मिठाई, चकलेटहरु पनि दिएर मनाउने चलन छ। यस दिनमा माया पिरती गाँस्न सकिन्छ ,आफ्नो मनपर्ने प्रेमी-प्रमिकालाई भन्न नसकेको कुरा कुनै उपहार दिएर आफ्नो मनको कुरा खोल्न सकिन्छ । नयाँ साथी बनाउन, साथिभाई मिलेर रमाइलो गर्न सकिन्छ । आजभोलि विभिन्न तरिकाले , इन्टरनेटमा मेलबाट, मोबाइल फोनबाट म्यासेजबाट र फोनबाट पनि ‘फ्रेन्डसिप-डे’को शुभकामना व्यक्त गर्न सकिन्छ ।

काठमाण्डौं/१९ शुक्रवार,

हिजो भूमिसुधार तथा व्यवस्थामन्त्री प्रभुनारायण चौधरीले प्रतिनिधिसभा घोषणा भएको झण्डै दुई महिना पछि प्रतिनिधि सभाको प्राकृतिक स्रोत र साधन समितिमा राजा र राजपरिवारका सदस्यको नाउँमा झण्डै ३४,००० रोपनी जग्गा रहेको बताएका छन् । उक्त जानकारी दिंदै उनले शाही सम्पत्तीका बारेमा थप विवरण देशभरीबाट संकलन गर्ने काम भैरहेको बताए। विवरण अनुसार राजाको स्वामित्वमा रहेको नागार्जुन जंगल (लगभग २०,००० रोपनी), सुर्खेत जिल्लामा झण्डै ३५ विगाहा र ललितपुर तथा भक्तपुरमा पनि सयौं रोपनी जमिन रहेको उल्लेख छ। अधिकारीहरू चाहिं राजपरिवारका नाउँमा रहेको सम्पत्तिको प्रारम्भिक विवरण मात्रै भएको र राजपरिवारको चल-अचल सम्पत्ति यो भन्दा कयौं गुणा बढी हुनसक्ने र आउँदो साउन २८ गते पूर्ण विवरण पेशहुने बताइएको छ । भूमिसुधार तथा व्यवस्थामन्त्री प्रभुनारायण चौधरीले दिएको दरबारका विभिन्न सदस्यहरुको नाममा रहेको सम्पतीको प्रारम्भिक विवरण चाँहि यस प्रकार छ : भित्र >> (more…)

काठमाण्डौ/श्रावण १५,

प्रतिनिधिसभा घोषणा कार्यान्वयन सुझाव समितिमा राष्ट्रिय गान उपलब्ध गराइ दिनका लागी अन्तिम म्याद श्रावण ७ गते सम्ममा मात्र ३७ वटा गीत प्राप्त भएको थियो तर गएको एक सातामा थप ३७ वटा थपिएर राष्ट्रिय गानका लागि प्रस्ताविन गीतको संख्या ७४ पुगेको छ र प्रधानमन्त्री तथा मन्त्रिपरिषद् कार्यालयमा आवश्यक कारबाहीका लागि पठाइएकेको छ। महाकवि लक्ष्मीप्रसाद देवकोटा, राष्ट्र कवि माधवप्रसाद घिमिरे, धर्मराज थापालगायत धेरै युवा कविबाट राष्ट्रिय गानका रचनाहरू प्राप्त हुन आएको छ र राम्रो गीत, रचनाहरु अझै स्विकार्य हुने पनि जानकारी गराइएको छ । राष्ट्रिय गानको चयन इतिहासकार, राजनीतिक वैज्ञानिक, साहित्यकार, नागरिक समाजका प्रतिष्ठित व्यक्तित्वहरू, सङ्गीतज्ञ र गायकहरू समेतको समितिबाट हुनेछ ।

‘ओह ! क्या गर्मी!! ‘

हजुर! आजभोली यो शव्द अतिनै लोकप्रिय भनौ वा…. के भनौ धेरैको मुखबाट सुन्न सकिन्छ । गर्मीको बेलामा सबभन्दा उपयुक्त ठाँउ भनेको नै समुन्द्र छेउ । दिनदिनै बढेको अत्याधिक गर्मी र यसै समयमा हुने गर्मी छुट्टीमा म पनि यसपल्ट समुन्द्र छेउ प्रथम पटक जाने भएको छु । चार दिनको छुट्टी अगस्त महिनाको ३ तारिख देखि शुरु हुने छ । चार दिनको छुट्टीको पुर्ण तैयारी त भएको छैन तर ‘Everland’ र समुन्द्र छेउ जाने निश्चित भै सकेको छ । छुट्टीको फोटोहरु र सकेसम्म भिडियो पनि ब्लगमा राख्‍ने कोशिस गर्ने छु ।अहिलेलाई यो मात्र >

यो हो Everland….फोटो हेर्न भित्र पनि आउनुहुन्छ कि?>> (more…)

काठमाण्डौ/१४ श्रावण,

कुनै फिल्मी तरिकाले भनौ वा माओबादी तरिकाले भनौ एउटै हो, राती लगभग २ बजे ४० जनाको हाराहारीमा सैनिकहरु २ वटा भ्यानमा सैनिक पोसाकमै आएर वडा प्रहरी कार्यालय दरबारमार्ग घेराउ गरी त्यहाँ कार्यरत प्रहरी निरीक्षक रामबहादुर केसी, सहायक निरीक्षक धर्मेन्द्र राय र जवान डिल्लीराम तामाङलाई अपहरण गरी महाराजगंजस्थित भैरवनाथ गणको ब्यारेकमा लगेर प्रहरीलाई पानीमा चोपल्दै कुटपिट गर्नुका साथै करेन्ट लगाएर चरम यातना दिईन्छ र लगभग २ घण्टाको यातना पछि घाइते प्रहरीहरुलाई बिहान ४ बजेतिर महाराजगंजस्थित वडा प्रहरी कार्यालयको टोली बोलाएर जिम्मा लगाईन्छ । यस्तो गर्ने अरु कोहि नभएर भैरवनाथ गणका क्याप्टेन रविन्द्र विक्रम राणा हुन् । स्मरण रहोस् यही ठाँउमा यसअघि माओवादीको आरोपमा पक्राउ गरिएका ४९ जनालाई समेत यसरी नै सोही गणमा हत्या गरिएको थियो ।

ठमेलको संचयकोष भवन अगाडि सडकमा अवरोध हुने गरी एउटा रातो गाडी राखिएपछि निरीक्षक केसीको नेतृत्वमा रहेको कार्यदलले बाटो अवरुद्ध हुने गरी गाडी रोक्नुको कारण माग्दा एक रेष्टुरेन्टबाट रक्सी खाएर निस्किदै गरेका सादा पोशाकमा रहेका क्याप्टेन राणा र उनका साथी विकेन्द्र सिंह विष्टले प्रहरीमाथि हातपात गरेको थियो । सोहि क्रममा राणा फरार भएपनि विष्टलाई पक्राउ गरेर वडा प्रहरी कार्यालयमा सोधपुछ भैरहेको बेलामा बा १ झ ८३०२ र ६२८३ नम्बरको दुई वटा भ्यानमा आएर अपहरण गरेका थिए। उक्त घटनाको कारबाही स्वरुप भैरवनाथ गणका क्याप्टेन रविन्द्र विक्रम राणालाई प्रधानमन्त्रीको निर्देशनमा निलम्बन गरिएको छ र घाइते प्रहरीहरुको आज बिहान वीर अस्पतालमा उपचार गरिएको थियो ।

नेपालमा अहिले नेपाली सेनाको छवि प्रहरीको भन्दा पनि गिरेको अवस्था छ र यसको लागी कही न कही दरबार सँग सम्बन्ध रहेको विज्ञहरु बताउछन् ।

काठमाडौ/श्रावण १२,

नेकपा माओवादीले एक विज्ञप्ति प्रकाशित गरी तीन महिना अगाडि घोषणा गरेको एकपक्षीय युध्दविराम आज सकिएपछि थप तीन महिनाको म्याद बढाई युद्धविरामको घोषणा गरेकोछ। माओवादीका अध्यक्ष प्रचण्डद्वारा आज शुक्रबार जारी विज्ञप्तिमा आठ बूँदे सहमतिको मर्म अनुसार शान्ति वार्ता अगाडि बढाउन युद्धविरामको घोषणा गरिएको भनिएको छ। शान्ति र गणतन्त्रका लागि उर्लिएको ऐतिहासिक जनआन्दोलनको मर्म र भावनाअनुसार संविधान सभा मार्फत् शान्तिपूर्ण ढंगले नयां नेपालको निर्माण गर्ने उद्देश्य सहित माओवादीले एकपक्षीय रुपमा गरेको तीन महिने युद्धविरामको अवधि आज पुरा भएको र शान्ति प्रक्रियामा विभिन्न बाधा अडचन आइरहेको बेलामा युध्दविरामको अवधि तीन महिनाका लागि थप गरिएको हो।

चुट्किला १.

(पुरानो कथामा आधारित तर आधुनिक सिंह ) रानीवनमा जनावरहरुको भेला बसेको थियो । सिंहको दैनिक लापरवाहीको हल निकाल्दै एउटालें भन्यो,’ हामी पालै-पालो प्रत्येक दिन राजा सिंहको भोजनको लागी जानें ।’ सबैलें हुन्छ भनें र सिंहको पनि सहमति भयो । अब दैनिक आ-आफ्नो पालोमा सिंहको भोजनको लागी क्रममा एक दिन आयो खरायोको पालो । खरायो ढिलो सिंहको अगाडी पुग्यो रिसाउदै सिंहले कारण सोध्दा खरायोलें नजिकैको इनारमा देखाउदै ‘त्यहाँ अर्को सिंहले मलाई रोकेको थियो।’ भन्दा सिंहले इनारमा हेर्दै भन्यो,’ त्यो त मैले ४ कक्षामा पढेको कथा हो । मलाई मुर्ख बनाउन खोज्छस् ।’

*********************************************************************
चुट्किला २.

सस्तो भाडामा पाएको कोठामा एक रात बसे पछि भोलीपल्ट,
भाडामा बस्ने मान्छे : साउजी तपाईले मलाई कस्तो कोठा दिनु भयो ? रात भरी मुसाको Race हुदो रहेछ ।
साउजी : यति सस्तोमा के घोडाको Race हेर्ने विचार छ ??

*********************************************************************
चुट्किला ३.

सिनेमा हलको गेटकिपरको दाँत दुखेर डा.कोमा गएछ ।

डा. : तपाईको कुन दाँत दुखेको छ ?
गेटकिपर : माथिको बालकोनीको तेस्रो न.को दाँत दुखेछ डा. साँप…।

*********************************************************************
चुट्किला ४.

आँखाको डा.ले आँखा जाँच गरेपछि एकदमै कमजोर जस्तो लागेर बिरामीलाई एउटा किताब हातमा दिएर पढ्न लगाउछन् । अक्षर पनि नदेखेपछि केहि सिप नलागेर एउटा थाल देखाउदै सोध्छन् ….

डा. : यो देख्‍न सक्नु हुन्छ ??
बिरामी : अलि-अलि..
डा. : के हो ??
बिरामी : ठाय्क्कै भन्न त सक्दिन तर ५० पैसा हो कि एक रुपैयाको सिक्का हो ।

*********************************************************************
भित्र पनि छ … (more…)

L.A./24th July,

अमेरिकाको लाँस ऐन्जेलमा आयोजित ‘मिस युनिवर्स’ प्रतियोगिता संसार भरिको ८६ देशहरुबाट आएका सुन्दरीहरुको साथमा हिजो आइतबार आयोजना गरिएको थियो । ‘मिस युनिवर्स’ प्रतियोगितामा प्यूर्तो रिकोकी जुलेका रिवेरालाई ‘मिस यूनिवर्स २००६’ चुनिएकी छिन् । १८ वर्षिय जुलेकालाई ‘मिस यूनिवर्स २००६’ को मुकुट सहित २.५ लाख यु.यस.डाँलरको पुरस्कार पनि प्रदान गरिएको छ । त्यस्तै दोस्रो स्थान (1st रनर अप) जापानकी कुरारा चिबाना र तेस्रो स्थान (2nd रनर अप) स्विजरलैण्डकी लारिएन गिलेरनलें प्राप्त गरेकी छिन् । यस प्रतियोगिताको १८० देशहरुमा सिधा प्रशारण गरिएको थियो ।

‘मिस यूनिवर्स २००६’ जुलेका रिवेरा ^

बाँकि फोटो भित्र…> (more…)

Update २४ घण्टामै खुलेछ पोष्ट नखुलेएका ब्लगहरु…..

23 July,

केहि महिना अगाडीको कुरा हो नेपालमा शाही सरकारले आतंककारीहरुले प्रयोग गरे भनेर प्रिपेड मोबाइल धेरै चोटी बन्द गरेजस्तो भारतमा पनि मुम्बईमा भएको आतंकवादी आक्रमण पछि केहि ब्लगहरुमा भारतबाट नखुल्ने गरी आईएसपीहरुले रोक लगाएको छ । भारतीय ब्लगरहरु माँझ अतिनै लोकप्रिय ‘ब्लगस्पट’ बन्द भएपछि भारतीय ब्लगरहरु यसको विरोधमा एकजुट भएका थिए ।

आजपनि ब्लगसमका हाम्रो भन्दा केहि पछि खुलेका नयाँ सिस्टम भएको ब्लगहरुको पोष्ट खुलेको छैन् । नेपाली भाषाका रत्नपार्क , कोरिया एनपी, नमस्तेनेपाल, सयपत्री, दोमुखा,मेरो नेपालस् र अन्य ब्लगहरुमा No posts made र WordPress database error: [Can’t create/write to file ‘/var/tmp/#sql_5ac5_0.MYD’ (Errcode: 17)] SELECT * FROM wp_koreanp_posts WHERE 1=1 AND (post_status = “publish” OR post_author = 1 AND post_status != ‘draft’ AND post_status != ’static’) GROUP BY wp_koreanp_posts.ID ORDER BY post_date DESC LIMIT 0, 15 मात्र आउछ । मुख्य कारणहरु थाहा नभएपनि चाँडै खुल्ने आशामात्र गर्न सकिन्छ ।

श्रावण ६,

माओवदीले शनिवार आयोजित एककार्यक्रममा बैतडी र डडेलधुरा जिल्लाको सदरमुकाम देखि टाढा पर्ने गा.वि.स.हरुलाई मिलाएर एउटा छुट्टै नयाँ जिल्लाको घोषणा गरेको छ। राज्यबाट उपेक्षित रहँदै आएको मेलौली क्षेत्रका २१ वटा र सो क्षेत्र सँग जोडिएको डडेलधुराको तीन वटा गा.वि.स. हरुलाई मिलाई माओवदीले बनाएको नयाँ जिल्ला ‘सोराड’ नामकरण गरिएको छ । दुवै जिल्लाको सदरमुकाम देखि निकै टाढा र विकटमा रहेको ‘सोराड’ जिल्लाको घोषणालाई लिएर राजनैतिक दलहरु र नागरिक समाजले अझैसम्म कुनै प्रतिक्रिया जनाएको छैन । यस अघि बैतडीमा एक नगरपालिका सहित ६२ गा.वि.स. र डडेलुरामा पनि एक नगरपालिका सहित १९ गा.वि.स. थियो । यसरी माओवदीले घोषणा गरेको नयाँ जिल्ला सहितनेपालमा अब ७६ जिल्ला हुन् पुगेको छ ।

काठमाडौ/श्रावण ५,

सरकारको अनुमती लिएर वैदेशिक रोजगारको लागी लेबनान पुगेका नेपालीहरुको तथ्याङ्क सरकारले १८ जनाको देखाए पनि पाँच हजारको हाराहारीमा रहेको नेपालीहरु छन् । तेस्रो मुलुक धेरै जसो भारत हुदै वैदेशिक रोजगारको लागी त्यहाँ पुगेका पाँच हजार नेपालीहरु मध्ये आजमात्र लगभग ७२ जनाको मृत्यु भएको(पुष्टि नभएको) खबर छ भने हाल उद्धार गर्नुपर्ने अवस्थामा ५ सय रहेको र उपप्रधान एवं परराष्ट्र मन्त्री केपी शर्मा ओलीले भारतीय नागरिकहरुसँगै नेपाली नागरिकलाई पनि उद्धार गर्न भारतसँग अनुरोध गरिएको जानकारी अनुसार १० जनाको उद्धार भएको बताइएको छ। यस अघि मन्त्री ओलीले उत्तरी लेबनानमा उद्धार गरिहाल्नुपर्ने अवस्था आइनसकेको दावीसमेत गर्नु भएको थियो । इजरायलले लेबनानमा लगातार विमानले हामला गरेपछि सो क्षेत्रका चालीस भन्दा बढी लक्ष्यमा आक्रमण गरेको र सो क्षेत्रका बासिन्दालाई तत्काल स्थान खाली गर्न चेतावनीसमेत दिएको थियो। इजरायलले लेबनानमा गरेको आक्रमणको क्रममा ३ सय ३० बढीको ज्यान गइसकेको छ।

काठमाण्डौ/श्रावण ५,

जनआन्दोलनको सफलता पछि राजधानीमा दैनिक बढेको चोरी-डकैती र लुटमारलें नेपाल प्रहरीलाई हैराननै पारिसक्यो । हिजो राती ठमेलको किचन रेस्टुरेन्टबाट सात राउण्ड गोली लोड गरिएको इटालीमा बनेको लेखिएको पेस्तोल सहित राजधानीमा गुण्डागर्दी गर्दै हिड्नें एक टोलीलाई पक्राउ गरेको छ । पक्राउ पर्नेहरुमा गणेश लामा, रमेश श्रेष्ठ, रमेश राई, गौरीलाल,श्यामकाजी, सञ्जीव डंगोल र सुमनमान सिंह रहेका छन् घटनामा संग्लन अन्यको व्यापक खोजीकार्य भैरहेको छ भनें, आज दिउँसोमात्र टेकुको बागमती चैम्बरको चौथो तल्लामा अवस्थित कन्टिनेन्टल मार्केटिङ प्रालिको काउन्टरबाट हतियारधारी समुहले पेस्तोल देखाई २० लाख नगद र २ लाख बराबरको धनमाल लुटेको प्रहरीले जनाएको छ। उपत्यका अपराध अनुसन्धान शाखाले एउटा विशेष टोली बनाई खोजी कार्य सुरु गरेको छ।